|
|
 |
| (GMT+08:00)
2007-06-26 19:49:20
|
 |
|
ຄະນະຜູ້ແທນໜ່ວຍງານອົງການພະລັງງານປະລະມານູສາກົນເດີນທາງໄປຮອດພຽງຢາງ
cri
Author: cai
ຕາມຂ່າວສານຊີນຮວາ:ວັນທີ 26 ມິຖຸນານີ້,ຄະນະຜູ້ແທນໜ່ວຍງານອົງການພະລັງງານປະລະມານູສາກົນທີ່ນຳໂດຍທ່ານອໍລີ ເຮໂນເນນ ຮອງຜູ້ອຳນວຍການໃຫຍ່ອົງການພະລັງງານປະລະມານູສາກົນໄດ້ເດີນທາງໄປຮອດພຽງຢາງ,ເລີ່ມຢ້ຽມຢາມສ.ປ.ປ.ເກົາຫຼີ.
ຢູ່ເດີ່ນຍົນ,ທ່ານເຮໂນເນນໃຫ້ສຳພາດຕໍ່ນັກຂ່າວວ່າ,ໜ້າທີ່ສຳຄັນຂອງຄະນະຜູ້ແທນໃນການມາຢ້ຽມຢາມເທື່ອນີ້,ແມ່ນເພື່ອຫາລືກັບຝ່າຍສ.ປ.ປ.ເກົາຫຼີກ່ຽວກັບບັນຫາລະບຽບຮັບຮູ້ການປິດແລະຮັກສາສິ່ງກໍ່ສ້າງນິວເຄຼຍທີ່ເຢິງປຽນ.ທ່ານເຫັນໄປໃນແງ່ດີຕໍ່ອະນາຄົດຂອງການເຈລະຈາກັບຝ່າຍສ.ປ.ປ.ເກົາຫຼີ.
ວັນທີ 26 ມິຖຸນານີ້,ຢູ່ປັກກິ່ງ,ທ່ານຊີນກາງ ໂຄສົກກະຊວງການຕ່າງປະເທດຈີນກ່າວວ່າ,ບັນຫາເງິນຝາກທະນາຄານຂອງສ.ປ.ປ.ເກົາຫຼີໄດ້ຮັບການແກ້ໄຂໃນທີ່ສຸດ,ຝ່າຍຈີນໄດ້ຍ້ອງຍໍຝ່າຍຕ່າງໆທີ່ກ່ຽວຂ້ອງທີ່ໄດ້ໃຊ້ທ່າທີຕັ້ງໜ້າແລະທຳຄວາມພະຍາຍາມທີ່ມີລັກສະນະສ້າງສັນ,ແລະຫວັງໃຫ້ຝ່າຍຕ່າງໆຈົ່ງສືບຕໍ່ໃຊ້ມາດຕະການປະຕິບັດຄຳໝັ້ນສັນຍາຂອງໃຜລາວ,ຊຸກຍູ້ໃຫ້ການເຈລະຈາ 6 ຝ່າຍແລະຂະບວນວິວັດເຮັດໃຫ້ແຫຼມເກົາຫຼີປອດນິວເຄຼຍໄດ້ມີການຄືບໜ້າໃໝ່.
ວັນທີ 25 ມິຖຸນານີ້,ຢູ່ວໍຊິງຕັນ,ທ່ານຄຼິສໂຕເຟີ ຮີວ ຫົວໜ້າຄະນະຜູ້ແທນອາເມລິກາເຂົ້າຮ່ວມການເຈລະຈາ 6 ຝ່າຍ ລັດຖະມົນຕີຊ່ວຍວ່າການກະຊວງການຕ່າງປະເທດອາເມລິກາກ່າວວ່າ,ສິ່ງກໍ່ສ້າງນິວເຄຼຍຂອງສ.ປ.ປ.ເກົາຫຼີມີຫວັງຈະຢຸດຕິການໝູນເດີນພາຍໃນປີນີ້.ທ່ານຍັງກ່າວວ່າ,ຝ່າຍຕ່າງໆທີ່ເຂົ້າຮ່ວມການເຈລະຈາ 6 ຝ່າຍຫວັງໃຫ້ຟື້ນຟູການເຈລະຈາໃນອາທິດທີສອງຂອງເດືອນກໍລະກົດ,ແລະໃນທ້າຍເດືອນກໍລະກົດຈັດການເຈລະຈາລັດຖະມົນຕີການຕ່າງປະເທດຂອງ 6 ຝ່າຍ.
|
|
|
