|
|
 |
| (GMT+08:00)
2007-06-29 10:52:42
|
 |
|
ອາເມລິກາສເກົາຫຼີຍີ່ປຸ່ນແລະຣັດເຊຍຫວັງໃຫ້ສປປເກົາຫຼີເລັ່ງລັດປະລະນີວເຄຼຍ
cri
ຕາມຂ່າວCRI, ວັນທີ28ມິຖຸນານີ້,ຢູ່ທີ່ວໍຊິງຕັນ,ນາງຄອນໂດລີຊາ ໄຣສ໌ ລັດຖະມົນຕີວ່າການກະຊວງການຕ່າງປະເທດອາເມລິກາໄດ້ພົບປະກັບທ່ານຊົງມິນຊູນ ລັດຖະມົນຕີວ່າການກະຊວງການຕ່າງປະເທດແລະການຄ້າສເກົາຫຼີທີ່ໄປຢ້ຽມຢາມ,ສອງຝ່າຍເປັນເອກະສັນກັນຫວັງໃຫ້ສປປເກົາຫຼີເລັ່ງລັດວຽກງານປະລະນີວເຄຼຍໃຫ້ໄວເຂົ້າ.ວັນທີ28ມິຖຸນານີ້,ຢູ່ໂຕກຽວ,ໃນເວລາພົບປະເຈລະຈາກັບທ່ານອາເລັກຊັນເດີໂລຊິວຄົຟ ຫົວໜ້າຄະນະຜູ່ແທນຣັດເຊຍທີ່ເຂົ້າຮ່ວມການເຈລະຈາຫົກຝ່າຍກ່ຽວກັບບັນຫານີວເຄຼຍທີ່ໄປຢ້ຽມຢາມ,ທ່ານຊາຊາອິເຄນິຊີໂລ ຫົວໜ້າຄະນະຜູ່ແທນຍີ່ປຸ່ນກ່າວວ່າ,ສອງຝ່າຍຈະຮ່ວມກັນຊຸກຍູ້ໃຫ້ສປປເກົາຫຼີປະຕິບັດຄຳໝັ້ນສັນຍາໃນໄລຍະຕົ້ນແຫ່ງການປະລະນີວເຄຼຍໂດຍໄວ.
ຂ່າວແຈ້ງອີກວ່າ,ໃນເວລາທີ່ທ່ານຊາຊາອິ ເຄນິຊີໂລພົບປະເຈລະຈາກັບທ່ານໂລຊິວຄົຟ,ທ່ານທັງສອງໄດ້ແລກປ່ຽນຄວາມເຫັນກ່ຽວກັບເວລາຈັດການເຈລະຈາຫົກຝ່າຍຄືນໃໝ່.ຫຼັງການເຈລະຈາ,ທ່ານໂລຊິວຄົຟກ່າວວ່າ,ຖ້າວ່າສປປເກົາຫຼີໄດ້ສຳເລັດວຽກງານທີ່ຄວນເຮັດຢ່າງແທ້ຈິງແລ້ວ,ກໍອາດຈະຈັດການເຈລະຈາລະດັບລັດຖະມົນຕີການຕ່າງປະເທດຂອງຫົກຝ່າຍກ່ຽວກັບບັນຫານີວເຄຼຍແຫຼມເກົາຫຼີໃນເດືອນສິງຫາປີນີ້.
|
|
|
