|
ຈີນຈະພິມຈຳໜ່າຍພັນທະບັດພິເສດເປັນຈຳນວນເງິນກ້ອນໃຫຍ່ທີ່ສຸດເພື່ອຕັ້ງບໍລິສັດລົງທຶນເງິນຕາຕ່າງປະເທດຂອງລັດ
cri
Author: cai
ຕາມຂ່າວCRI:ວັນທີ 29 ມິຖຸນານີ້,ຄະນະປະຈຳສະພາປະຊາຊົນແຫ່ງຊາດຈີນເຊິ່ງເປັນອົງການອຳນາດລັດຂອງຈີນໄດ້ອະນຸມັດການຮ້ອງຂໍຂອງກະຊວງການເງິນຈີນທີ່ຈະພິມຈຳໜ່າຍພັນທະບັດພິເສດເປັນຈຳນວນ 1550 ຕື້ຢວນ.ນີ້ແມ່ນພັນທະບັດພິເສດເປັນຈຳນວນເງິນກ້ອນໃຫຍ່ທີ່ສຸດນັບແຕ່ສ້າງຕັ້ງສາທາລະນະລັດປະຊາຊົນຈີນເມື່ອປີ 1949 ເປັນຕົ້ນມາ.
ພັນທະບັດກ້ອນນີ້ຈະໃຊ້ມາຊື້ເງິນຕາຕ່າງປະເທດປະມານ 200 ຕື້ໂດລາ,ເພື່ອເປັນແຫຼ່ງທຶນໃນການສ້າງຕັ້ງບໍລິສັດລົງທຶນເງິນຕາຕ່າງປະເທດຂອງລັດ.
ໃນເດືອນມີນາປີນີ້,ທ່ານເວີ່ນເຈ່ຍປາວ ນາຍົກລັດຖະມົນຕີຈີນເຄີຍກ່າວວ່າ,ຈີນຈະສ້າງຕັ້ງອົງການລົງທຶນເງິນຕາຕ່າງປະເທດ,ອົງການນີ້ບໍ່ກ່ຽວພັນກັບພາກສ່ວນໃດໆໝົດ,ຊື້ຂາຍເງິນຕາຕ່າງປະເທດຕາມກົດໝາຍ,ນຳໃຊ້ຢ່າງມີຄ່າຕອບແທນ,ຮັບເອົາການຕິດຕາມຄຸ້ມຄອງ,ຮັກສາມູນຄ່າແລະເພີ່ມມູນຄ່າ.
|
|
