|
|
 |
| (GMT+08:00)
2007-07-01 16:00:04
|
 |
|
ຈີນປະຕິບັດຕາມສັນຍາມອນທຼີຢ່າງແທ້ຈິງ ປົກປັກຮັກສາຊັ້ນໂອຊົນ
cri
ຕາມຂ່າວ cri:ວັນທີ 1 ກໍລະກົດນີ້,ຢູ່ເມືອງຊາງໂຊ ທາງພາກຕາເວັນອອກຂອງຈີນ,ທ່ານຈ່າງລີ້ຈຸ່ນ ຮອງຫົວຫນ້າກົມໃຫຍ່ອະນຸລັກສິ່ງແວດລ້ອມແຫ່ງຊາດຈີນກ່າວວ່າ, ຈີນໄດ້ປະຕິບັດສັນຍາມອນທຼີຢ່າງແທ້ຈິງ, ປົກປັກຣັກສາຊັ້ນໂອຊົນ, ບໍ່ມີສະພາບການໃດໆທີ່ບໍ່ປະຕິບັດສັນຍາສາກົນ.
ມື້ດຽວກັນ, ກົມໃຫຍ່ອະນຸລັກສິ່ງແວດລ້ອມແຫ່ງຊາດຈີນແລະທະນາຄານໂລກໄດ້ຮ່ວມກັນຈັດກອງປະຊຸມສະຫລຸບການເຊົາໃຊ້ສານ CFC ແລະສານຮາລົນຢ່າງຮອບດ້ານຢູ່ຈີນ.ໃນກອງປະຊຸມ, ທ່ານຈ່າງລີ້ຈຸ່ນກ່າວວ່າ, ຕັ້ງແຕ່ຈີນໄດ້ເຊັນສັນຍາມອນທຼີໃນປີ 1991 ມານີ້, ຈີນໄດ້ເຊົາຜະລິດແລະເຊົາບໍລິໂພກສານ CFC 1 ແສນໂຕນແລະສານຮາລົນ 8 ຫມື່ນໂຕນຢ່າງສຳເລັດຜົນ, ສານປະເພດຕ່າງໆທີ່ສິ້ນເປືອງຊັ້ນໂອຊົນກໍ່ຫລຸດຫນ້ອຍລົງຢ່າງເດັ່ນຊັດ.ນັບມາຮອດວັນທີ 1 ກໍລະກົດປີນີ້,ຈີນໄດ້ເຊົາຜະລິດແລະນຳເຂົ້າສານ CFC ແລະສານຮາລົນທັງຫມົດ,ເວັ້ນເສຍແຕ່ກໍລະນີອັນຈຳເປັນ,ແລະບັນລຸເປົ້າຫມາຍທີ່ປະຕິບັດຕາມສັນຍາດັ່ງກ່າວກ່ອນເວລາກຳນົດສອງປີເຄິ່ງ.
ມື້ດຽວກັນ,ມາດາມແມັກດາໂລເວ ຮອງຫົວຫນ້າກົມພັດທະນາແບບຍືນຍົງຂອງເຂດອາຊີຕາເວັນອອກແລະເຂດປາຊິກຟິກຂອງທະນາຄານໂລກໄດ້ຢືນຢັນວຽກງານຂອງຈີນໃນການປົກປັກຮັກສາຊັ້ນໂອຊົນຢ່າງເຕັມສ່ວນ,ໂດຍກ່າວວ່າ,ຈີນໄດ້ເສີມຂະຫຍາຍບົດບາດນຳພາໃນການປະຕິບັດສັນຍາມອນທຼີ.
|
|
|
