|
|
 |
| (GMT+08:00)
2007-07-03 16:04:32
|
 |
|
ການບໍລິການສະຫວັດດີການສັງຄົມຂອງຮົງກົງໄດ້ຮັບຄວາມຄືບໜ້າຢ່າງຫຼວງຫຼາຍ
cri
ຕາມຂ່າວສານຊິ່ນຮວາ: ວັນທີ 2 ກໍລະກົດນີ້, ທ່ານຈ່າງຈ້ຽນຈົ່ງ ຫົວໜ້າພະແນກແຮງງານແລະສະຫວັດດີການຂອງອໍານາດການປົກຄອງເຂດບໍລິຫານພິເສດຮົງກົງກ່າວວ່າ, ໃນ 10 ປີທີ່ຮົງກົງກັບຄືນສູ່ປະເທດຊາດ, ໂດຍຜ່ານຄວາມພະຍາຍາມພ້ອມກັນຂອງອໍານາດການປົກຄອງເຂດບໍລິຫານພິເສດຮົງກົງແລະວົງການສະຫວັດດີການສັງຄົມ, ການບໍລິການສະຫວັດດີການສັງຄົມຂອງຮົງກົງໄດ້ຮັບຄວາມຄືບໜ້າຢ່າງຫຼວງຫຼາຍ.
ໃນພິທີວົງການສະຫວັດດີການສັງຄົມສະຫຼອງຮົງກົງກັບຄືນສູ່ປະເທດຊາດຄົບຮອບ 10 ປີ, ທ່ານຈ່າງຈ້ຽນຈົ່ງແນະນຳວ່າ, ໃນສົກປີ 2006 ຫາປີ 2007, ການໃຊ້ຈ່າຍໃນດ້ານສະຫວັດດີການຂອງອໍານາດການປົກຄອງເຂດບໍລິຫານພິເສດບັນລຸ 32 ຕື້ 800 ລ້ານໂດລາຮົງກົງ, ແມ່ນຂົງເຂດທີ່ອໍານາດການປົກຄອງໃຊ້ງົບປະມານຫຼາຍທີ 2 ເຊິ່ງຖັດຈາກການສຶກສາ. ໃນ 10 ມານີ້, ການໃຊ້ງົບປະມານລາຍປະຈຳໃນດ້ານສະຫວັດດີການສັງຄົມຂອງອໍານາດການປົກຄອງໄດ້ເພີ່ມຂຶ້ນ 80%.
ທ່ານຈ່າງຈ້ຽນຈົ່ງກ່າວວ່າ, ແຕ່ປີ 1997 ມາຮອດປະຈຸບັນ, ສຳນັກງານສະຫວັດດີການສັງຄົມກໍ່ໄດ້ຊ່ອຍເຫຼືອເງິນທຶນໃຫ້ອົງການທີ່ບໍ່ແມ່ນລັດຖະບານເພີ່ມຂຶ້ນຫຼາຍກວ່າ 50%.
|
|
|
