|
ເຈົ້າໜ້າທີ່ສະຫະປະຊາຊາດກ່າວວ່າ,ເສດຖະກິດໂລກປະເຊີນກັບຄວາມສ່ຽງຢ່າງຫຼວງຫຼາຍ
cri
Author: shuo
ຕາມຂ່າວສານຊິນຮວາ:ວັນທີ2ກໍລະກົດນີ້,ທ່ານຊ່າຈູຄ່າງ ຮອງເລຂາທິການໃຫຍ່ສະຫະປະຊາຊາດທີ່ຮັບຜິດຊອບວຽກງານເສດຖະກິດແລະສັງຄົມກ່າວວ່າ,ເຖິງວ່າປະຈຸບັນນີ້,ເສດຖະກິດໂລກພວມຢູ່ໃນໄລຍະທີ່ເຕີບໂຕຢ່າງຮອບດ້ານ ເຊິ່ງບໍ່ເຄີຍມີມາກ່ອນກໍຕາມ,ແຕ່ທ່າອ່ຽງຂອງການເຕີບໂຕແບບນີ້ອາດຈະຮັກສາຍາກ,ຝ່າຍຕ່າງໆຄວນກຽມພ້ອມເພື່ອຮັບມືກັບຄວາມສ່ຽງທີ່ແຝງຊ້ອນຢູ່.
ທ່ານຊ່າຈູຄ່າງກ່າວວ່າ,ເສດຖະກິດໂລກຍັງມີບັນຫາທີ່ບໍ່ກ້ຳເກີ່ງກັນຢ່າງໜັກໜ່ວງ,ໂດຍສະເພາະແມ່ນຂຸມການເງິນຂອງອາເມລິການັບມື້ນັບຫຼາຍຂຶ້ນ,ແຕ່ລາຍຮັບດ້ານການເງິນຂອງເຂດອື່ນໆໃນໂລກ ໂດຍສະເພາະແມ່ນປະເທດພວມພັດທະນາພັດເພີ່ມຂຶ້ນຢ່າງບໍ່ຢຸດຢັ້ງ.ນອກນີ້,ຄວາມໝັ້ນໃຈຕໍ່ເງິນໂດລາຕົກຕ່ຳລົງອາດຈະພາໃຫ້ເສດຖະກິດທົ່ວໂລກເກີດມີການປັບປຸງຢ່າງກະທັນຫັນ,ອັນນີ້ຈະພາໃຫ້ລະບົບເງິນຕາສາກົນຫວັ່ນໄຫວ.
ທ່ານຊ່າຈູຄ່າງເວົ້າວ່າ,ໂລກຕ້ອງມີການເຄື່ອນໄຫວຢ່າງຮີບດ່ວນເພື່ອຮັບມືກັບການທ້າທາຍທີ່ນຳມາຈາກຄວາມບໍ່ກ້ຳເກີ່ງກັນຂອງເສດຖະກິດໂລກແລະຄວາມໝັ້ນໃຈຕໍ່ເງິນໂດລາຕົກຕ່ຳລົງ.ຝ່າຍທີ່ກ່ຽວຂ້ອງກໍ່ຕ້ອງປຶກສາຫາລືກົນໄກປະສານງານນະໂຍບາຍສາກົນທີ່ບັງເກີດຜົນ.
|
|
