|
|
 |
| (GMT+08:00)
2007-07-05 17:50:53
|
 |
|
ສານສູງສຸດຈີນຮຽກຮ້ອງໃຫ້ສານທຸກຂັ້ນຕ້ອງພິພາກສາຄະດີສິດຊັບສິນທາງປັນຍາທີ່ກ່ຽວພັນເຖິງຕ່າງປະເທດຢ່າງເໝາະສົມ
cri
Author: shuo
ຕາມຂ່າວສານຊິນຮວາ:ວັນທີ4ກໍລະກົດນີ້,ຢູ່ປັກກິ່ງ,ທ່ານວ້ານເອີ້ຊ່ຽງ ຮອງປະທານສານປະຊາຊົນສູງສຸດຈີນກ່າວເນັ້ນວ່າ,ສານທຸກຂັ້ນຂອງຈີນຕ້ອງພິພາກສາຄະດີສິດຊັບສິນທາງປັນຍາທີ່ກ່ຽວພັນເຖິງຕ່າງປະເທດແລະວິສາຫະກິດສາມປະເພດ ຄື ວິສາຫະກິດທີ່ຈີນກັບຕ່າງປະເທດຮ່ວມທຶນ ວິສາຫະກິດທີ່ຈີນກັບຕ່າງປະເທດຮ່ວມມືແລະວິສາຫະກິດທຶນ ຕ່າງປະເທດນັ້ນຢ່າງເໝາະສົມ,ເພື່ອປົກປ້ອງສິດແລະຜົນປະໂຫຍດທີ່ຊອບດ້ວຍກົດໝາຍຂອງຜູ້ກ່ຽວຈີນແລະຕ່າງປະເທດແລະຝ່າຍທີ່ມີຜົນປະໂຫຍດກ່ຽວຂ້ອງ.
ທ່ານວ້ານເອີ້ຊ່ຽງກ່າວເນັ້ນວ່າ,ຕ້ອງເພີ່ມຄວາມແຮງໃນການລົງໂທດການກະທຳລ່ວງລະເມີດສິດຊັບສິນທາງປັນຍາ,ເອົາໃຈໃສ່ໃຊ້ການລົງໂທດທາງແພ່ງມາປັບໄໝຜູ້ກະທຳຜິດຕາມກົດໝາຍ,ເຮັດໃຫ້ຜູ້ລ່ວງລະເມີດສິດໂດຍເຈດຕະນານັ້ນໄດ້ຮັບການລົງໂທດຢ່າງເໝາະສົມ.
ຫຼາຍປີມານີ້,ຈີນໄດ້ເພີ່ມຄວາມແຮງຢ່າງບໍ່ຢຸດຢັ້ງໃນການປົກປ້ອງທາງຕຸລາການຕໍ່ສິດຊັບສິນທາງປັນຍາ.ແຕ່ປີ2001ເປັນຕົ້ນມາ,ສານສູງສຸດໄດ້ປະກາດເອກະສານຕີຄວາມໝາຍທາງຕຸລາການດ້ານສິດຊັບສິນທາງປັນຍາ20ກວ່າສະບັບທີ່ພົວພັນເຖິງດ້ານຕ່າງໆ ເຊັ່ນລິຂະສິດ ກາໝາຍສິນຄ້າ ສິດທິບັດ ແນວພັນພືດໃໝ່ແລະການແຂ່ງຂັນຢ່າງບໍ່ທ່ຽງທຳເປັນຕົ້ນ.
|
|
|
