|
|
 |
| (GMT+08:00)
2007-07-06 19:34:45
|
 |
|
ການທ່ອງທ່ຽວຂອງຈີນປະສົບຜົນສຳເລັດຢ່າງຕໍ່ເນື່ອງ
cri
Author: shuo
ຕາມຂ່າວສານຊິນຮວາ:ຢູ່ໃຕ້ການຊຸກຍູ້ຂອງປັດໄຈຕ່າງໆ ເຊັ່ນ ເສດຖະກິດຈີນເຕີບໂຕ ຢ່າງໝັ້ນທ່ຽງແລະໃນຄວາມໄວສູງ ຄວາມໝັ້ນໃຈດ້ານການບໍລິໂພກຂອງພົນລະເມືອງເຂັ້ມແຂງຂຶ້ນ ພ້ອມດ້ວຍຂະແໜງການທ່ອງທ່ຽວພັດທະນາຢ່າງວ່ອງໄວເປັນຕົ້ນ,ຕະຫຼາດການທ່ອງທ່ຽວສາມຢ່າງຂອງຈີນ ຄືການທ່ອງທ່ຽວພາຍໃນປະເທດ ການທ່ອງທ່ຽວເຂົ້າອອກປະເທດກໍມີຜົນສຳເລັດຢ່າງຕໍ່ເນື່ອງ.
ປະຈຸບັນນີ້,ຈີນໄດ້ກາຍເປັນຕະຫຼາດທ່ອງທ່ຽວພາຍໃນປະເທດທີ່ໃຫຍ່ກວ່າໝູ່ໃນໂລກ,ວັນບຸນທີ່ພັກຜ່ອນ7ມື້ໄດ້ກາຍເປັນໄລຍະທີ່ມີມວນຊົນອອກໄປທ່ຽວຫຼາຍກວ່າໝູ່.ການທ່ອງທ່ຽວເຂົ້າອອກຕ່າງປະເທດກໍພັດທະນາຢ່າງວ່ອງໄວ,ດຽວນີ້,ຈີນໄດ້ກາຍເປັນປະເທດທີ່ຕ້ອນຮັບນັກທ່ອງທ່ຽວໃຫຍ່ອັນດັບ4ຂອງໂລກແລະປະເທດທີ່ມີຄົນອອກໄປທ່ຽວຕ່າງປະເທດຫຼາຍກວ່າໝູ່ຂອງອາຊີ.ພ້ອມກັນນັ້ນ,ຂົງເຂດຂອງອຸດສາຫະກຳທ່ອງທ່ຽວຂະຫຍາຍຕົວຢ່າງບໍ່ຢຸດຢັ້ງ,ລະບົບອຸດສາຫະກຳທ່ອງທ່ຽວສົມບູນຂຶ້ນຢ່າງບໍ່ຢຸດຢັ້ງ.ນັບມາຮອດທ້າຍປີ2006,ຈີນໄດ້ມີໂຮງແຮມລະດັບດາວ1ໝື່ນ2ພັນແຫ່ງ,ມີແຫຼ່ງທ່ອງທ່ຽວທົ່ວປະເທດ2ໝື່ນກວ່າແຫ່ງ.
ອີງຕາມການຄາດຄະເນຂອງຜູ້ຊ່ຽວຊານ,ເມື່ອຮອດປີ2015,ຈີນຈະກາຍເປັນປະເທດທີ່ຕ້ອນຮັບນັກທ່ອງທ່ຽວຫຼາຍກວ່າໝູ່ແລະເປັນປະເທດທີ່ມີຄົນອອກໄປທ່ຽວຕ່າງປະເທດຫຼາຍເປັນອັນດັບ4ໃນໂລກ.
|
|
|
