|
|
 |
| (GMT+08:00)
2007-07-08 19:13:18
|
 |
|
ເຈົ້າໜ້າທີ່ທະນາຄານໂລກຕີລາຄາສູງຕໍ່ໂຄງການຈຸດທົດລອງເງິນທຶນພັດທະນາຢູ່ຊົນນະບົດແຂວງເສສວນຂອງຈີນ
cri
Author: cai
ຕາມຂ່າວສານຊີນຮວາ:ວັນທີ 7 ກໍລະກົດນີ້,ພາຍຫຼັງເຈົ້າໜ້າທີ່ພະແນກພັດທະນາຊົນນະບົດພາກພື້ນອາຊີຕາເວັນອອກແລະປາຊີຟິກຂອງທະນາຄານໂລກໄດ້ໄປສຳຫຼວດຢູ່ກັບບ່ອນແລ້ວ,ໄດ້ຕີລາຄາສູງຕໍ່"ໂຄງການຄົ້ນຄວ້າແລະຈຸດທົດລອງເປົ້າແບບໃຊ້ເງິນທຶນພັດທະນາຢູ່ເຂດຊົນນະບົດ"ເຊິ່ງເປັນການຊ່ວຍເຫຼືອດ້ານເຕັກນິກຄັ້ງທີ 5 ຂອງທະນາຄານໂລກທີ່ພວມດຳເນີນຢູ່ເມືອງນ້ອຍວ້າງຊ່າງ ແຂວງເສສວນຂອງຈີນ.
ໂຄງການດັ່ງກ່າວເລີ່ມປະຕິບັດຢູ່ 12 ບ້ານທຸກຍາກຂອງແຂວງເສສວນແລະແຂວງເຮີນານຂອງຈີນແຕ່ເດືອນພະຈິກປີກາຍເປັນຕົ້ນມາ,ຍອດຈຳນວນເງິນທຶນແມ່ນ 1 ລ້ານ 3 ແສນກວ່າໂດລາ.ໂຄງການດັ່ງກ່າວໃຫ້ 1 ແສນຢວນແກ່ທຸກບ້ານທີ່ເປັນຈຸດທົດລອງ,ໃຫ້ການສະໜັບສະໜູນດ້ານການຢືມເງິນແກ່ຄອບຄົວກະສິກອນທີ່ຢາກພັດທະນາການຜະລິດແຕ່ມີເງິນບໍ່ພໍ,ຊາວກະສິກອນໃຫ້ຄຳໝັ້ນສັນຍາວ່າຈະໃຊ້ໜີ້ໂດຍແບ່ງເປັນໄລຍະພາຍໃນເວລາກຳນົດ,ແລະເສຍດອກເບັ້ຍຈຳນວນໜຶ່ງ,ເຮັດໃຫ້ຍອດຈຳນວນເງິນທຶນເພີ່ມຂຶ້ນຢ່າງຕໍ່ເນື່ອງ,ໃຫ້ການສະໜັບສະໜູນດ້ານເງິນທຶນຫຼາຍກວ່າເກົ່າແກ່ຊາວກະສິກອນໃນອະນາຄົດ.
ເຈົ້າໜ້າທີ່ທະນາຄານໂລກກ່າວວ່າ,ໂຄງການດັ່ງກ່າວປະຕິບັດພຽງແຕ່ເຄິ່ງປີປາຍ,ສັງເກດຈາກຂັ້ນເບື້ອງຕົ້ນແລ້ວ,ໂຄງການໄດ້ສຳເລັດຜົນຫຼາຍ.ທະນາຄານໂລກຈະເອົາໃຈໃສ່ນຳຄວາມຍືນຍົງຂອງໂຄງການດັ່ງກ່າວ,ເພື່ອຮັບປະກັນໃຫ້ໂຄງການສາມາດເຜີຍແຜ່ຢ່າງຂະໜາດໃຫຍ່ໃນອະນາຄົດ.
|
|
|
