|
|
 |
| (GMT+08:00)
2007-07-09 10:07:57
|
 |
|
ການລົງທຶນຂອງຕ່າງປະເທດຊຸກຍູ້ເສດຖະກິດຈີນພັດທະນາ
cri
ຕາມຂ່າວ cri :ຫນັງສືພິມເຢີນມີນຢື້ປ້າວສະບັບວັນທີ 9 ກໍລະກົດນີ້ໄດ້ພິມບົດຄວາມກ່າວວ່າ, ການຕັ້ງຫນ້ານຳໃຊ້ທຶນຕ່າງປະເທດແມ່ນຈຸດພິເສດ ຫນຶ່ງທີ່ສຳຄັນໃນການພັດທະນາເສດຖະກິດຂອງຈີນໃນຍຸກປະຈຸບັນ.ນັບມາຮອດທ້າຍປີ 2006, ຈີນໄດ້ດຶງດູດເອົາທຶນຕ່າງປະເທດລວມທັງຫມົດ 685 ຕື້ 450 ລ້ານໂດລາ, ນຳຫນ້າຂອງໂລກ,ແລະເປັນທີ 1 ໃນບັນດາປະເທດພວມພັດທະນາ 15 ປີລຽນຕິດ.
ບົດຄວາມຂຽນ່າ, ທຶນທີ່ນັກທຸລະກິດຕ່າງປະເທດນຳເຂົ້າມາປະສົມປະສານກັບແຮງງານອັນອຸດົມສົມບຸນຂອງຈີນ, ໄດ້ປະກອບເປັນພື້ນຖານສຳຄັນທີ່ເຮັດໃຫ້ຈີນໄດ້ເຂົ້າຮ່ວມເສດຖະກິດໂລກາພິວັດ.ແຮງກົດດັນດ້ານການແກ່ງແຍ່ງຍ້ອນທຶນຕ່າງປະເທດ,ກໍ່ກາຍເປັນກຳລັງແມ່ແຮງສຳຄັນທີ່ເຮັດໃຫ້ລັດວິສາຫະກິດຂອງຈີນຕ້ອງປະຕິຮູບແລະພັດທະນາ,ທຶນຕ່າງປະເທດຍັງໄດ້ຊຸກຍູ້ເຕັກນິກຂອງຈີນກ້າວຫນ້າ.
ບົດຄວາມຂຽນວ່າ, ໃນຂະນະທີ່ຊຸກຍູ້ເສດຖະກິດຈີນພັດທະນາ, ທຶນຕ່າງປະເທດກໍ່ໄດ້ຮັບການຕອບແທນຢ່າງຫລວງຫລາຍ.ຕົວຢ່າງຄື:ນັບແຕ່ປີ 1990 ຫາປີ 2006,ນັກລົງທຶນຂອງຕ່າງປະເທດໄດ້ສົ່ງຜົນກຳໄລອອກຈາກຈີນລວມ 314 ຕື້ 300 ລ້ານໂດລາ.ນີ້ແມ່ນຫມາກຜົນທີ່ສອງຝ່າຍໄດ້ຮັບຜົນປະໂຫຍດນຳກັນ.
|
|
|
