|
|
 |
| (GMT+08:00)
2007-07-09 19:56:32
|
 |
|
ລັດຖະມົນຕີການຕ່າງປະເທດອິສຣາແອນພົບປະນາຍົກລັດຖະມົນຕີລັດຖະບານຮັກສາການຂອງປາເລັສຕິນ
cri
Author: m
ຕາມຂ່າວສານຊິ່ນຮວາ: ວັນທີ 8 ກໍລະກົດນີ້, ຫ້ອງການລັດຖະມົນຕີວ່າການກະຊວງການຕ່າງປະເທດອິສຣາແອນໄດ້ອອກຖະແຫຼງການວ່າ, ມື້ດຽວກັນ, ຢູ່ເຢລູຊາເລມ, ທ່ານຢີພີ ລິຟນີ ລັດຖະມົນຕີວ່າການກະຊວງການຕ່າງປະເທດອິສຣາແອນໄດ້ພົບປະທ່ານຊາລາມ ຟາຢັດ ນາຍົກລັດຖະມົນຕີທັງເປັນລັດຖະມົນຕີການເງິນແລະການຕ່າງປະເທດຂອງລັດຖະບານຮັກສາການປາເລັສຕິນ. ນີ້ແມ່ນທ່ານຟາຢັດພົບປະກັບລັດຖະມົນຕີວ່າການຕ່າງປະເທດອິສຣາແອນເທື່ອທຳອິດພາຍຫຼັງທ່ານຂຶ້ນຮັບຕຳແໜ່ງໃນຕອນກາງເດືອນມິຖຸນາ.
ຖະແຫຼງການປະກາດວ່າ, ສອງຝ່າຍໄດ້ຫາລືບັນຫາຕ່າງໆ, ເຊັ່ນ: ສະຖານະການທີ່ລັດຖະບານຮັກສາການຂອງປາເລັສຕິນພວມປະເຊີນຢູ່ແລະຊ່ອງທາງປັບປຸງຊີວິດການເປັນຢູ່ຂອງປະຊາຊົນປາເລັສຕິນພາຍໃຕ້ສະພາບທີ່ຮັບປະກັນຜົນປະໂຫຍດດ້ານຄວາມປອດໄພຂອງອິສຣາແອນ.
ນອກນີ້, ເຈົ້າໜ້າທີ່ຜູ້ໜຶ່ງຂອງຫ້ອງການຂອງທ່ານຟາຢັດເຜີຍໃຫ້ຮູ້ວ່າ, ຫົວຂໍ້ທີ່ສອງຝ່າຍຫາລືກັນບໍ່ພຽງແຕ່ການມ້າງປົດກວດກາບາງບ່ອນຂອງທະຫານອິສຣາແອນ, ຍັງກ່ຽວພັນເຖິງບັນຫາການເມືອງຫຼາຍບັນຫາ.
|
|
|
