|
|
 |
| (GMT+08:00)
2007-07-10 11:49:59
|
 |
|
ຈີນຫວັງໃຫ້ປະຕິບັດເອກະສານຮ່ວມ 13 ກຸມພາກ່ຽວກັບບັນຫານິວເຄຼຍແຫຼມເກົາຫຼີຢ່າງຮອບດ້ານແລະສະໝ່ຳສະເໝີ
cri
Author: cai
ຕາມຂ່າວສານຊີນຮວາ:ວັນທີ 9 ກໍລະກົດນີ້,ທ່ານຖາງໂກຊຽງ ເອກອັກຄະລັດຖະທູດຈີນປະຈຳສຳນັກງານອົງການສະຫະປະຊາຊາດ ອົງການຈັດຕັ້ງສາກົນອື່ນໆທີ່ກຸງວຽນກ່າວເນັ້ນວ່າ,ຝ່າຍຈີນຫວັງໃຫ້ຝ່າຍຕ່າງໆທີ່ກ່ຽວຂ້ອງຈົ່ງພະຍາຍາມພ້ອມກັນ,ປະຕິບັດເອກະສານຮ່ວມ 13 ກຸມພາຢ່າງຮອບດ້ານແລະສະໝ່ຳສະເໝີ,ຊຸກຍູ້ຂະບວນວິວັດປອດນິວເຄຼຍແຫຼມເກົາຫຼີແລະການເຈລະຈາ 6 ຝ່າຍ.
ວັນທີ 9 ກໍລະກົດນີ້,ສະພາມົນຕີອົງການພະລັງງານປະລະມານູສາກົນໄດ້ຈັດກອງປະຊຸມຄັ້ງວິສາມັນ,ອະນຸມັດຂໍ້ສະເໜີຂອງທ່ານໂມຮາເມັດ ເອວ ບາຣາດີ ຜູ້ອຳນວຍການໃຫຍ່ອົງການດັ່ງກ່າວທີ່ແຕ່ງພະນັກງານກວດກາໄປຕິດຕາມກວດກາສ.ປ.ປ.ເກົາຫຼີປິດຮັກສາສິ່ງກໍ່ສ້າງນິວເຄຼຍທີ່ຢູ່ເຢິງປຽນ,ທັງນີ້ໄດ້ສ້າງເງື່ອນໄຂໃຫ້ແກ່ວຽກງານຕິດຕາມກວດກາຂອງອົງການດັ່ງກ່າວໃນດ້ານລະບຽບກົດໝາຍ.
ຕາມໜັງສືພິມ"ເຈີວໍສຣີດໂຈໂນ"ສະບັບວັນທີ 9 ກໍລະກົດນີ້ແຈ້ງຂ່າວວ່າ,ໃນຂະນະທີ່ພະຍາຍາມຊຸກຍູ້ໃຫ້ສ.ປ.ປ.ເກົາຫຼີປະລະນິວເຄຼຍ,ລັດຖະບານອາເມລິກາໄດ້ເລີ່ມຄົ້ນຄວ້າຢ່າງເປັນທາງການກ່ຽວກັບຄວາມອາດເປັນໄປໄດ້ທີ່ເຮັດໃຫ້ການພົວພັນລະຫວ່າງອາເມລິກາກັບສ.ປ.ປ.ເກົາຫຼີເປັນປົກກະຕິ.ແຕ່ວ່າ,ເຈົ້າໜ້າທີ່ອາເມລິກາຫຼາຍຄົນກໍ່ຊີ້ອອກວ່າ,ຈະບັນລຸເປົ້າໝາຍຄວາມປອດໄພໃນພາກພື້ນອາຊີຕາເວັນອອກສຽງເໜືອໄດ້ຫຼືບໍ່,ຍັງຈະຊີ້ຂາດນຳສ.ປ.ປ.ເກົາຫຼີຈະປະລະແຜນການອາວຸດນິວເຄຼຍຢ່າງຖາວອນຫຼືບໍ່.
|
|
|
