|
ຈີນຍັງຈະຮັກສານະໂຍບາຍຄຸມກຳເນີດທີ່ປະຕິບັດໃນປະຈຸບັນໃນຊົ່ວໄລຍະໜຶ່ງ
cri
Author: cai
ຕາມຂ່າວສານຊີນຮວາ:ວັນທີ 10 ກໍລະກົດນີ້,ທ່ານອີເຊຍຈູ່ນ ໂຄສົກຖະແຫຼງຂ່າວຂອງຄະນະກຳມະການປະຊາກອນແລະຄຸມກຳເນີດແຫ່ງລັດຈີນກ່າວວ່າ,ນັບແຕ່ປະຕິບັດນະໂຍບາຍຄຸມກຳເນີດເປັນຕົ້ນມາ,ລະດັບເກີດລູກຂອງຈີນໝັ້ນທ່ຽງໂດຍທົ່ວໄປ.ອີກບໍ່ເທົ່າໃດປີຂ້າງໜ້ານີ້,ຈີນຈະປະເຊີນໜ້າກັບກະແສທີ່ມີເດັກເກີດໃໝ່ອ່າວຫຼາຍ,ບວກກັບຄອບຄົວທີ່ກົດໝາຍອະນຸຍາດໃຫ້ເກີດລູກຜູ້ທີສອງນັ້ນໄດ້ເພີ່ມຂຶ້ນ,ໃຕ້ສະພາບການດັ່ງກ່າວ,ຖ້າປັບປຸງນະໂຍບາຍຢ່າງໃຫຍ່,ອາດຈະພາໃຫ້ປະຊາກອນເພີ່ມຂຶ້ນຫຼາຍໂພດຫຼືຫຼຸດລົງຫຼາຍໂພດ,ບໍ່ມີຜົນດີຕໍ່ການໃຫ້ປະຊາກອນພັດທະນາຢ່າງໝັ້ນທ່ຽງແລະປົກກະຕິ,ສະນັ້ນ,ຈີນຍັງຈະຮັກສານະໂຍບາຍຄຸມກຳເນີດທີ່ປະຕິບັດໃນປະຈຸບັນໃນຊົ່ວໄລຍະໜຶ່ງ.
ທ່ານອີເຊຍຈູ່ນຍັງຊີ້ອອກວ່າ,ນະໂຍບາຍຄຸມກຳເນີດຂອງຈີນມີບ່ອນຕ່າງກັນອັນແນ່ນອນລະຫວ່າງທ້ອງຖິ່ນຕ່າງໆ ລະຫວ່າງຕົວເມືອງກັບຊົນນະບົດແລະບັນດາຊົນເຜົ່າ.ສັງເກດຈາກສະພາບເກີດລູກແລ້ວເຫັນວ່າ,ປະຊາກອນທີ່ປະຕິບັດນະໂຍບາຍຄອບຄົວໜຶ່ງມີລູກຜູ້ດຽວນັ້ນມີແຕ່ 36% ເທົ່ານັ້ນ,ນະໂຍບາຍເກີດລູກຂອງຈີນບໍ່ແມ່ນວ່າຄອບຄົວໃດກໍ່ໃຫ້ເອົາແຕ່ລູກຜູ້ດຽວທັງໝົດຄືບາງຄົນເວົ້ານັ້ນ.
|
|
