|
|
 |
| (GMT+08:00)
2007-07-11 11:58:49
|
 |
|
ທ່ານບຸສຈະຍຶດໝັ້ນຍຸດທະສາດອີຣັກທີ່ໄດ້ກຳນົດໄວ້ແລ້ວ
cri
Author: cai
ຕາມຂ່າວCRI:ເຖິງວ່າໄດ້ປະເຊີນໜ້າກັບສຽງຮຽກຮ້ອງໃຫ້ຖອນທະຫານອອກຈາກອີຣັກຈາກລັດຖະສະພາແລະປະຊາຊົນ,ວັນທີ 10 ກໍລະກົດນີ້,ທ່ານຈອັດ ບຸສ ປະທານາທິບໍດີອາເມລິກາຍັງກ່າວວ່າ,ກ່ອນຜູ້ບັນຊາການກອງທະຫານອາເມລິກາປະຈຳອີຣັກຍື່ນບົດລາຍງານກ່ຽວກັບສະຖານະການອີຣັກໃນເດືອນກັນຍາປີນີ້,ທ່ານຈະຍຶດໝັ້ນຍຸດທະສາດອີຣັກທີ່ໄດ້ກຳນົດໄວ້,ຈະບໍ່ພິຈາລະນາການເລີ່ມຖອນທະຫານອອກຈາກອີຣັກ.
ວັນທີ 10 ກໍລະກົດນີ້,ຕາມເຈົ້າໜ້າທີ່ອາເມລິກາເຜີຍໃຫ້ຮູ້ວ່າ,ບົດລາຍງານປະເມີນສະຖານະການອີຣັກທີ່ລັດຖະບານບຸສໃກ້ຈະຮ່າງອອກຈະຮັບຮອງວ່າລັດຖະບານອີຣັກມີການຄືບໜ້າຢ່າງຈຳກັດ.ໜັງສືພິມ"ວໍຊິງຕັນ ໂພສດ໌"ສະບັບວັນທີ 10 ກໍລະກົດນີ້ແຈ້ງຂ່າວວ່າ,ຍ້ອນສະມາຊິກພັກຣີພັບບຼິກກັນນັບມື້ນັບຫຼາຍຄັດຄ້ານນະໂຍບາຍຕໍ່ອີຣັກຂອງລັດຖະບານບຸສ,ທ່ານບຸສຈະປ່ຽນຖ້ອຍທຳນອງຂອງນະໂຍບາຍຕໍ່ອີຣັກ,ແຕ່ບໍ່ແມ່ນປ່ຽນນະໂຍບາຍ.
ນອກນີ້,ຂ່າວແຈ້ງວ່າ,ວັນທີ 10 ກໍລະກົດນີ້,ສະມາຊິກພັກດີໂມແຄຣັດຂອງສະພາສູງອາເມລິກາໄດ້ຊຸກຍູ້ອີກເທື່ອໜຶ່ງໃຫ້ວາງຕາຕະລາງເວລາຖອນທະຫານອອກຈາກອີຣັກໂດຍອ້າງວ່າການສ້າງສາຄືນໃໝ່ຢູ່ອີຣັກຄືບໜ້າຊັກຊ້າ ບໍ່ໄດ້ບັນລຸຄາດໝາຍຕ່າງໆຂອງອາເມລິກາ.
|
|
|
