|
|
 |
| (GMT+08:00)
2007-07-12 10:53:39
|
 |
|
ຈີນຈະຊຸກຍູ້ ການປະຢັດແລະຫລຸດລະບາຍອາຍເຮືອນແກ້ວໃນຂົງເຂດຄຸ້ມຄອງທີ່ດິນແລະຊັບພະຍາກອນທຳມະຊາດຢ່າງຮອບດ້ານ
cri
ຕາມຂ່າວສານຊີນຮວາ: ຈີນຈະຊຸກຍູ້ການປະຢັດພະລັງງານແລະຫລຸດລະບາຍອາຍເຮືອນແກ້ວໃນຂົງເຂດຄຸ້ມຄອງທີ່ດິນແລະຊັບພະຍາກອນທຳມະຊາດຈາກດ້ານພິຈາລະນາອະນຸມັດທີ່ດິນ,ການອະນຸຍາດໃຫ້ຂຸດຄົ້ນຊັບພະຍາກອນບໍ່ແຮ່,ເສດຖະກິດນຳໃຊ້ຊັບພະຍາກອນແບບຫມນວຽນແລະດ້ານຕ່າງໆ.
ວັນທີ 11 ກໍລະກົດນີ້,ນັກຂ່າວໄດ້ຊາບຈາກກະຊວງທີ່ດິນແລະຊັບພະຍາກອນທຳມະຊາດຈີນວ່າ,ກະຊວງນີ້ຈະປະຕິບັດຕາມສາລະບານໂຄງການຈຳກັດການໃຊ້ທີ່ດິນແລະສາລະບານໂຄງການຫ້າມໃຊ້ທີ່ດິນຢ່າງເຄັ່ງຄັດ,ຄວບຄຸມບໍ່ໃຫ້ຂະແຫນງການທີ່ສິ້ນເປືອງພະລັງງານຫລາຍແລະມີການມົນລະພິດຫລາຍພັດທະນາໄວເກີນໄປ.
ກະຊວງທີ່ດິນແລະຊັບພະຍາກອນທຳມະຊາດຈີນຈະເພີ່ມທະວີການປັບປຸງລະບຽບການຂຸດຄົ້ນຊັບພະຍາກອນບໍ່ແຮ່,ສຳລະຊະສາງແລະປິດວິສາຫະກິດຂຸດຄົ້ນບໍ່ແຮ່ຈຳນວນຫນຶ່ງທີ່ມີມົນລະພິດຕໍ່ສິ່ງແວດລ້ອມແລະສິ້ນເປືອງຊັບພະຍາກອນ.
ກະຊວງນີ້ຍັງຈະອອກແຮງຊຸກຍູ້ໃຫ້ບໍ່ແຮ່ແລະຕົວເມືອງບໍ່ແຮ່ສຳຄັນປະຢັດແລະນຳໃຊ້ຊັບພະຍາກອນແບບຫມູນວຽນ.
ນອກນີ້,ກະຊວງທີ່ດິນແລະຊັບພະຍາກອນຈີນຍງຈະເລັ່ງລັດປະເມີນແລະຂີດແບ່ງເຂດຊັບພະຍາກອນຄວາມຮ້ອນໃຕ້ດິນໃນທົ່ວປະເທດ,ເພື່ອນຳໃຊ້ພະລັງງານຄວາມຮ້ອນໃຕ້ດິນສະຫນອງອາຍອຸ່ນແລະອາຍເຢັນ.
|
|
|
