|
|
 |
| (GMT+08:00)
2007-07-12 11:27:58
|
 |
|
ສະມາຊິກສະພາສູງສັງກັດພັກຣີພັບບຼິກກັນສ່ວນຫຼາຍຮຽກຮ້ອງໃຫ້ທ່ານບຸສປັບປຸງນະໂຍບາຍຕໍ່ອີຣັກໂດຍໄວ
cri
Author: cai
ຕາມຂ່າວສານຊີນຮວາ:ວັນທີ 11 ກໍລະກົດນີ້,ສື່ມວນຊົນອາເມລິກາແຈ້ງຂ່າວວ່າ,ໃນຫຼາຍມື້ມານີ້,ສະມາຊິກສະພາສູງສັງກັດພັກຣີພັບບຼິກກັນນັບມື້ນັບຫຼາຍໄດ້ປ່ຽນແປງຫຼັກໝັ້ນຂອງຕົນ,ຮຽກຮ້ອງໃຫ້ທ່ານຈອັດ ບຸສ ປະທານາທິບໍດີອາເມລິກາປັບປຸງນະໂຍບາຍຕໍ່ອີຣັກໂດຍໄວເທົ່າທີ່ຈະໄວໄດ້,ຈັດວາງການຖອນທະຫານໂດຍໄວ.
ວັນທີ 11 ກໍລະກົດນີ້,ທ່ານໂອລິມເພຍ ສໂນແລະທ່ານຊັກ ຮາເກີ ສະມາຊິກສະພາສູງສັງກັດພັກຣີພັບບຼິກກັນກ່າວວ່າ,ພວກທ່ານສະໜັບສະໜູນຍັດຕິທີ່ສະມາຊິກສະພາສູງສັງກັດພັກດີໂມແຄຣັດສະເໜີອອກມາໃນວັນທີ 10 ກໍລະກົດນີ້,ຍັດຕິສະບັບນີ້ຮຽກຮ້ອງໃຫ້ທ່ານບຸສເລີ່ມຖອນທະຫານອອກຈາກອີຣັກພາຍໃນ 120 ມື້ ແລະສິ້ນສຸດການສູ້ຣົບຢູ່ອີຣັກກ່ອນວັນທີ 30 ເມສາປີໜ້າ.
ພ້ອມກັນນັ້ນ,ມີສະມາຊິກສະພາສູງສັງກັດພັກຣີພັບບຼິກກັນຢ່າງໜ້ອຍອີກ 6 ຄົນໄດ້ຮຽກຮ້ອງໃຫ້ທ່ານບຸສຮັບເອົາຂໍ້ສະເໜີກ່ຽວກັບນະໂຍບາຍຕໍ່ອີຣັກທີ່ໜ່ວຍຄົ້ນຄວ້າບັນຫາອີຣັກໄດ້ສະເໜີອອກມາເມື່ອເດືອນທັນວາປີກາຍ,ລວມທັງເຈລະຈາກັບອີຣານແລະຊີເລຍໂດຍກົງ ຟື້ນຟູການເຈລະຈາສັນຕິພາບລະຫວ່າງປາເລັສຕີນກັບອິສຣາແອນພ້ອມທັງຖອນກອງທະຫານສູ້ຣົບຂອງອາເມລິກາສ່ວນຫຼາຍອອກຈາກອີຣັກກ່ອນເດືອນມີນາປີໜ້າ.
|
|
|
