|
|
 |
| (GMT+08:00)
2007-07-16 17:00:48
|
 |
|
ວຽກງານກະກຽມດ້ານພະຍາກອນອາກາດໃນໄລຍະຈັດງານກິລາໂອລິມປິກປັກກິ່ງດຳເນີນໄປຢ່າງສະດວກ
cri
ຕາມຂ່າວ cri:ວັນທີ 16 ກໍລະກົດນີ້, ກົມອຸຕຸນິຍົມຈີນແຈ້ງໃຫ້ຊາບວ່າ, ວຽກງານກະກຽມທຸກຢ່າງໃນດ້ານພະຍາກອນອາກາດໃນໄລຍະຈັດງານກິລາໂອລິມປິກປັກກິ່ງປີ 2008 ໄດ້ດຳເນີນໄປຢ່າງສະດວກ.
ທ່ານເຈິ້ງກົວະກ່ວງ ຫົວຫນ້າກົມອຸຕຸນິຍົມຈີນເຜີຍໃຫ້ຮູ້ວ່າ, ລະບົບຕິດຕາມສັງເກດອາກາດຂອງປັກກິ່ງແລະເຂດອ້ອມແອ້ມພ້ອມກັບເມືອງຊິ່ງຕາວແລະບໍລິເວນໃກ້ຄຽງໄດ້ກຽມພ້ອມແລ້ວ,ວຽກງານກະກຽມ ພະຍາກອນອາກາດທຸກດ້ານຢູ່ແຫ່ງຕ່າງໆ ກໍ່ດຳເນີນໄປເປັນຢ່າງດີ.ສູນບໍລິການພະຍາກອນອາກາດໃນງານກິລາໂອລິມປິກປັກກິ່ງກບຕົວເມືອງອື່ນໆທີ່ຊ່ອຍຈັດງານໄດ້ບັນລຸການສົ່ງຂໍ້ມູນຂ່າວສານໃຫ້ກັນແລະມີລະບົບສຳຮອງ, ການພະຍາ ກອນອາກາດໃນໄລຍະສັ້ນແລະເຕັກນິກພະຍາກອນອາກາດຢ່າງລະອຽດກໍ່ໄດ້ມີການຄືບຫນ້າຢ່າງເດັ່ນຊັດ.
ການແຂ່ງຂັນ ຜົນງານ ການເດີນທາງແລະການທ່ອງທ່ຽວໃນໄລຍະຈັດງານກິລາໂອລິມປິກລ້ວນແຕ່ມີສ່ວນກ່ຽວຂ້ອງກັບອາກາດຢ່າງແຫນ້ນແຟ້ນ.ພາກສ່ວນອຸຕຸນິຍົມຂອງຈີນຈະຖືການຮັບໃຊ້ງານກີລາໂອລິມປິກເປັນເປົ້າຫມາຍ, ພະຍາຍາມຍົກອັດຕາຄວາມຖືກຕ້ອງຂອງການພະຍາກອນອາກາດໃຫ້ສູງຂຶ້ນ, ແລະຕັ້ງຫນ້າຮັບປະກັນການບໍລິການດ້ານອຸຕຸນິຍົມທຸກດ້ານ.
|
|
|
