|
|
 |
| (GMT+08:00)
2007-07-16 17:38:28
|
 |
|
ກອງທັບຈີນເຂົ້າຮ່ວມການຝຶກແອບກັບກອງທັບຕ່າງປະເທດເປັນຄັ້ງທຳອິດ
cri
ຕາມຂ່າວສານຊີນຮວາ: ວັນທີ 16 ກໍລະກົດນີ້,ຢູ່ເມືອງກວາງໂຈວ ທາງພາກໃຕ້ຂອງຈີນ, ຈີນກັບໄທໄດ້ຈັດການຝຶກແອບຮ່ວມກັນດ້ານກອງຕີພິເສດຂອງກອງທັບບົກທີ່ໃສ່ຊື່ວ່າ:ຕະລຸມບອນ 2007.ນີ້ແມ່ນກອງທັບຈີນຮ່ວມກັນເຝິກແອບກັບກອງທັບຕ່າງປະເທດເປັນເທື່ອທຳອິດ.
ການຝຶກແອບຮ່ວມທີ່ຈັດຂຶ້ນເປັນເວລາສອງອາທິດເທື່ອນີ້ຖືການຕ້ານການຂົ່ມຂູ່ຂອງລັດທິກໍ່ການຮ້າຍເປັນເບື້ອງຫລັງ, ສຳຄນແມ່ນໃຫ້ກອງຕີພິເສດດຳເນີນການຝຶກແອບພື້ນຖານແລະນຳໃຊ້ຍຸດທະວິທີຕ້ານການກໍ່ການຮ້າຍ.ສອງຝ່າຍຈີນແລະໄທຕ່າງໄດ້ແຕ່ງທະານກອງຕີພິເສດຂອງກອງທັບບົກ 15 ຄົນ, ຈັດເປັນກອງສູ້ລົບປະສົມ ,ໃຫ້ເຂົາເຈົ້າກິນ,ຢູ່ແລະຝຶກແອບນຳກັນ.
ທ່ານຈ່າງຊິ້ງເຊິ່ງ ຜູ່ບັນຊາການເຂດທະຫານກວາງໂຈວຂອງກອງທັບປົດປ່ອຍປະຊາຊົນຈີນໄດ້ກ່າວໃນພິທີໄຂການຝຶກແອບຮ່ວມກັນວ່າ, ການຝຶກແອບຮ່ວມກັນເທື່ອນີ້ຈະມີຄວາມຫມາຍສຳຄັນທີ່ສຸດຕໍ່ການຍົກສູງຄວາມສາມາດສູ້ລົບຂອງກອງທັບຈີນແລະໄທໃນການຕໍ່ສູ້ຕ້ານການກໍ່ການຮ້າຍ, ປາບປາມອິດທິກຳລັງກໍ່ການຮ້າຍ,ປົກປັກຣັກສາຄວາມປອດໄພແລະສະຖຽນລະພາບຂອງພາກພື້ນ.
ຜູ່ຊ່ຽວຊານດ້ານການທະຫານຊີ້ອອກວ່າ, ເທື່ອນີ້, ຈີນກັບໄທຈັດການຝຶກແອບຮ່ວມກັນຈະມີຜົນສະທ້ອນທີ່ເປັນແບບຢ່າງແນ່ນອນ,ໃນອະນາຄົດ,ກອງທັບຈີນຈະຝຶກແອບກັບກອງທັບຕ່າງປະເທດຍິ່ງຫລາຍກວ່າເກົ່າ.
|
|
|
