|
ສ.ເກົາຫຼີກັບສ.ປ.ປເກົາຫຼີຈະຈັດການເຈລະຈາທາງການທະຫານລະດັບນາຍພົນຄັ້ງທີ 6 ໃນວັນທີ 24 ກໍລະກົດນີ້
cri
ຕາມຂ່າວ CRI: ວັນທີ 16 ກໍລະກົດນີ້, ກະຊວງປ້ອງກັນປະເທດຂອງສ.ເກົາຫຼີກ່າວວ່າ, ການເຈລະຈາທາງການທະຫານລະດັບນາຍພົນ ລະຫວ່າງສ.ເກົາຫຼີກັບສ.ປ.ປເກົາຫຼີຄັ້ງທີ 6 ຈະຈັດຂຶ້ນຢູ່ບານມູນຈອມໃນວັນທີ 24 ກໍລະກົດນີ້, ດຳເນີນເປັນເວລາ 3 ມື້.
ວັນທີ 16 ກໍລະກົດນີ້, ກະຊວງປ້ອງກັນປະເທດຂອງສ.ເກົາຫຼີແຈກຢາຍໃບຂ່າວຕໍ່ວົງການສື່ມວນຊົນ, ໂດຍຂຽນວ່າ, ມື້ດຽວກັນ, ສ.ເກົາຫຼີກັບສ.ປ.ປເກົາຫຼີໄດ້ຈັດການເຈລະຈາເຮັດວຽກທາງການທະຫານຢູ່ບານມູນຈອມ, ໄດ້ຫາລືບັນຫາຕ່າງໆ, ເຊັ່ນ: ການສະກັດກັ້ນບໍ່ໃຫ້ເກີດການປະທະກັນທາງການທະຫານຢູ່ເຂດທະເລເບື້ອງຕາເວັນຕົກແຫຼມເກົາຫຼີ, ຕັ້ງເຂດຫາປາຮ່ວມ, ສະໜອງການຮັບປະກັນທາງການທະຫານໃຫ້ແກ່ການຮ່ວມມືດ້ານເສດຖະກິດລະຫວ່າງສອງຝ່າຍ. ສື່ມວນຊົນສ.ເກົາຫຼີແຈ້ງຂ່າວວ່າ, ໃນການເຈລະຈາ, ສອງຝ່າຍບໍ່ໄດ້ບັນລຸຄວາມເຫັນເປັນເອກະສັນກັນກ່ຽວກັບຫົວຂໍ້ຫາລືດັ່ງກ່າວ.
ກະຊວງປ້ອງກັນປະເທດສ.ເກົາຫຼີກ່າວວ່າ, ໃນການເຈລະຈາ, ສອງຝ່າຍຕົກລົງຈະຈັດການເຈລະຈາທາງການທະຫານລະດັບນາຍພົນລະຫວ່າງສ.ເກົາຫຼີກັບສ.ປ.ປເກົາຫຼີຄັ້ງທີ 6 ຢູ່ "ບ້ານສັນຕິພາບ" ຢູ່ຝ່າຍສ.ເກົາຫຼີທີ່ບານມູນຈອມ.
|
|
