|
|
 |
| (GMT+08:00)
2007-07-21 16:42:11
|
 |
|
ການຊ້ອມລົບປະສົມຂອງອົງການຮ່ວມມືຊຽງໄຮ້ບໍ່ໝາຍເຖິງການຜູກພັນທະມິດການທະຫານ
cri
Author: shuo
ຕາມຂ່າວສານຊິນຮວາ:ວັນທີ20ກໍລະກົດນີ້,ຢູ່ທີ່ປັກກິ່ງ,ໃນເວລາໃຫ້ສຳພາດຕໍ່ນັກຂ່າວ,ທ່ານເທິງຈ້ຽນຊຸນ ຫົວໜ້າພະແນກຄົ້ນຄວ້າຂອງສະມາຄົມຄວບຄຸມການທະຫານແລະຫຼຸດກຳລັງລົບຂອງຈີນກ່າວວ່າ,ອົງການຮ່ວມມືຊຽງໄຮ້ຈັດການຊ້ອມລົບປະສົມບໍ່ແນໃສ່ປະເທດໃດໆ,ຍິ່ງບໍ່ມີຄວາມໝາຍທີ່ຈະຜູກພັນທະມິດການທະຫານ.
ທ່ານເທິງຈ້ຽນຊຸນກ່າວວ່າ,ການຊ້ອມລົບປະສົມຕ້ານການກໍ່ການຮ້າຍຢູ່ພາຍໃນຂອບອົງການຮ່ວມມືຊຽງໄຮ້,ບໍ່ວ່າແມ່ນຈັດຂຶ້ນລະຫວ່າງສອງຝ່າຍ,ຫຼືວ່າຫຼາຍຝ່າຍ,ລ້ວນແຕ່ບໍ່ຖືປະເທດຫຼືກຸ່ມປະເທດໃດໜຶ່ງເປັນສັດຕູສົມມຸດ,ຍັງສຸມໃສ່ການຕ້ານຢັນການຂົ່ມຂູ່ຄວາມປອດໄພທີ່ບໍ່ແມ່ນແບບດັ້ງເດີມຫຼາຍກວ່າເກົ່າ,ເພື່ອຍົກສູງຄວາມສາມາດທີ່ປາບປາມລັດທິກໍ່ການຮ້າຍ ລັດທິແບ່ງແຍກແລະລັດທິຫົວຮຸນແຮງ,ແລະປົກປັກຮັກສາຄວາມສະຫງົບແລະສະຖຽນລະພາບຂອງພາກພື້ນ.
ການຊ້ອມລົບປະສົມຕ້ານການກໍ່ການຮ້າຍຂອງກອງປະກອບອາວຸດປະເທດສະມາຊິກອົງການຮ່ວມມືຊຽງໄຮ້ທີ່ຊື່ວ່າ"ພາລະກຳສັນຕິພາບ2007"ຈະຈັດຂຶ້ນຢູ່ເມືອງອູລູມຊີເຂດຊິນຈຽງຂອງຈີນແລະເມືອງເຊລິຢາບິນສ໌ຄ໌ຂອງຣັດເຊຍແຕ່ວັນທີ9ຫາວັນທີ17ສິງຫາປີນີ້.
|
|
|
