|
ໂຄສົກກະຊວງການຕ່າງປະເທດຈີນກ່າວວ່າ,ແຜ່ນດິນໃຫຍ່ປະເທດຊາດເດັດດ່ຽວຄັດຄ້ານເຈດຕະນາຂອງເຈົ້າໜ້າທີ່ໄຕ້ຫວັນທີ່ຢາກເຂົ້າຮ່ວມສະຫະປະຊາຊາດໃນນາມໄຕ້ຫວັນ
cri
Author: shuo
ຕາມຂ່າວCRI:ວັນທີ20ກໍລະກົດນີ້,ຢູ່ທີ່ປັກກິ່ງ,ທ່ານລິວຈ້ຽນຊ່າວ ໂຄສົກກະຊວງການຕ່າງປະເທດຈີນກ່າວວ່າ,ເຈົ້າໜ້າທີ່ໄຕ້ຫວັນມີເຈດຕະນາຢາກເຂົ້າຮ່ວມສະຫະປະຊາຊາດໃນນາມໄຕ້ຫວັນ,ແມ່ນການກະທຳແບ່ງແຍກທີ່ເຈດຕະນາຕັດໄຕ້ຫວັນແຍກອອກຈາກຈີນ.ແຜ່ນດິນໃຫຍ່ປະເທດຊາດເດັດດ່ຽວຄັດຄ້ານເລື່ອງນີ້ແລະຈະຕິດຕາມການຂະຫຍາຍຕົວຂອງເລື່ອງນີ້ຢ່າງໃກ້ຊິດ.
ຕາມຂ່າວແຈ້ງວ່າ,ວັນທີ19ກໍລະກົດນີ້,ເຈົ້າໜ້າທີ່ໄຕ້ຫວັນໄດ້ສົ່ງຈົດໝາຍໄປຍັງທ່ານບານກີມູນ ເລຂາທິການໃຫຍ່ສະຫະປະຊາຊາດ,ສະເໜີຄຳຮ້ອງຂໍທີ່ເຂົ້າຮ່ວມສະຫະປະຊາຊາດໃນນາມໄຕ້ຫວັນ.ກ່ຽວກັບເລື່ອງນີ້,ທ່ານລິວຈ້ຽນຊ່າວວິຈານວ່າ,ໃນໂລກນີ້ມີແຕ່ປະເທດຈີນດຽວ,ໄຕ້ຫວັນແມ່ນພາກສ່ວນທີ່ຕັດແຍກບໍ່ໄດ້ຂອງຜືນແຜ່ນດິນຈີນ,ລັດຖະບານສາທາລະນະລັດປະຊາຊົນຈີນແມ່ນລັດຖະບານທີ່ຊອບຕາມກົດໝາຍພຽງໜຶ່ງດຽວທີ່ຕາງໜ້າທົ່ວປະເທດຈີນ.ນີ້ແມ່ນຫຼັກໝັ້ນທີ່ປະຊາຄົມໂລກຍຶດໝັ້ນໂດຍທົ່ວໄປ,ສອດຄ່ອງກັບກົດບັດສະຫະປະຊາຊາດຢ່າງເຖິງຖອງ,ແລະໄດ້ຮັບການຢືນຢັນຂອງມະຕິເລກທີ2758ຂອງສະຫະປະຊາຊາດ.ທ່ານກ່າວວ່າ,ເຈດຕະນາຂອງເຈົ້າໜ້າທີ່ໄຕ້ຫວັນທີ່ຢາກແບ່ງແຍກຈີນນີ້ຈະບໍ່ສາມາດບັນລຸຜົນເປັນຈິງໄດ້.
|
|
