|
ຈີນປະຕິຮູບອັດຕາແລກປ່ຽນເງິນຢວນຈີນຄົບຮອບ 2 ປີ ການແລກປ່ຽນລະຫວ່າງເງິນຢວນກັບເງິນໂດລາໄດ້ຖີບຕົວສູງຂຶ້ນປະມານ 7%
cri
ຕາມຂ່າວສານຊີນຮວາ: ວັນທີ 23 ກໍລະກົດນີ້ແມ່ນວັນຈີນປະຕິຮູບກົນໄກແລກປ່ຽນເງິນຢວນຈີນຄົບຮອບສອງປີແລະກໍ່ແມ່ນຊື້ຂາຍມື້ທຳອິດ,ໃນເວລາດັ່ງ່າວລາຄາກາງຂອງອັດຕາແລກປ່ຽນເງິນຢວນກັບເງິນໂດລາໄດ້ຈາກ 8,11 ຕໍ່ 1 ເມື່ອສອງປີກ່ອນປ່ຽນມາເປັນ 7,56 ຕໍ່ 1 ໃນມື້ນີ້.ນັບມາຮອດດຽວນີ້ ເງິນຢວນຈີນແລກປ່ຽນກັບເງິນໂດລາໄດ້ຖີບຕົວສູງຂຶ້ນປະມານ 7%.
ວັນທີ 21 ກໍລະກົດປີ 2005, ທະນາຄານປະຊາຊົນຈີນໄດ້ປະກາດປະຕິຮູບກົນໄກອັດຕາແລກປ່ຽນເງິນຢວນ.ຕັ້ງແຕ່ນັ້ນມານີ້,ອັດຕາແລກປ່ຽນເງິນຢວນຈີນໄດ້ມີຄວາມຫົດຍືດຫລາຍກວ່າເກົ່າ.ການຄ້າຂາອອກຂອງຈີນຊ້າລົງ,ການນຳເຂົ້າໄວຂຶ້ນ.ອີງຕາມຕົວເລກຂອງດ່ານພາສີຈີນ,ໃນສອງປີມານີ້,ອັດຕາເຕີບໂຕຂອງການຄ້າສົ່ງອອກຂອງຈີນໄດ້ຫລຸດລົງ 5%;ພ້ອມກັນນັ້ນ, ອັດຕາເຕີບໂຕຂອງການຄ້າຂາເຂົ້າໄດ້ເພີ່ມຂຶ້ນ 4,2%.
ແຕ່ເຖີງວ່າເປັນແນວນີ້ກໍ່ຕາມ, ການຄ້າຂອງຈີນຂາອອກຍັງຫລາຍກ່າຂາເຂົ້າຕໍ່ມາ,ທະນາຄານກາງຂອງຈີນກ່າວວ່າ, ການດັດສົມ ລາຍຮັບລາຍຈ່າຍສາກົນດ້ວຍອັດຕາແລກປ່ຽນເງິນຢວນຈີນພຽງດ້ານດຽວແມ່ນບໍ່ພໍ,ຍັງຕ້ອງຊຸກຍູ້ການປະຕິຮູບລະບອບຕ່າງໆເຊັ່ນ ເສດຖະກິດການຄ້າຕໍ່ຕ່າງປະເທດ,ການຄຸ້ມຄອງເງິນຕາຕ່າງປະເທດ,ການຄ້ຳປະກັນແຮງງານ, ການເກື້ອກຸນດ້ານສິ່ງແວດລ້ອມເປັນຕົ້ນ, ເສີມຂະຫຍາຍບົດບາດຂອງກົນໄກຕະຫລາດໃນການດັດສົມລາຍຮັບລາຍຈ່າຍສາກົນຢ່າງເຕັມສ່ວນ.
|
|
