|
|
 |
| (GMT+08:00)
2007-07-23 20:32:07
|
 |
|
ກອງປະກອບອາວຸດຕ້ານລັດຖະບານຂອງຟີລິບປິນປະຕິເສດຄຳຂາດຂອງກອງທະຫານລັດຖະບານ
cri
Author: cai
ຕາມຂ່າວສານຊີນຮວາ:ວັນທີ 22 ກໍລະກົດນີ້,ກອງປະກອບອາວຸດຕ້ານລັດຖະບານຂອງຟີລິບປິນຄື"ແນວໂຮມປົດປ່ອຍອິສລາມິກໂມໂຣ"ກ່າວວ່າ,ເຂົາຈະບໍ່ຮັບເອົາຄຳຂາດຂອງກອງທະຫານລັດຖະບານທີ່ໃຫ້ມອບຕົວຜູ້ຖືກສົງໄສເຂົ້າຮ່ວມການລອບຂ້າທະຫານລັດຖະບານ.
ວັນທີ 10 ກໍລະກົດນີ້,ທະຫານກອງທະຫານເຮືອສູ້ລົບເທິງບົກຂອງຟີລິບປິນໄດ້ຖືກຫຼອນໂຈມຕີໃນເວລາຊອກຫາປາສເຕີສາສະໜາໂລມັງກາໂຕລິກຂອງອີຕາລີທີ່ຫາຍສາບສູນຢູ່ແຂວງບາຊີລານພາກໃຕ້ຟີລິບປິນ,ທະຫານ 4 ຄົນຖືກຍິງຕາຍໃນການສູ້ຮົບ,ທະຫານອີກ 10 ຄົນທີ່ຫາຍສາບສູນກໍ່ໄດ້ມີການຢືນຢັນວ່າໄດ້ຖືກຕັດຄໍຕາຍ.ຝ່າຍທະຫານຟີລິບປິນກ່າວວ່າ,"ແນວໂຮມປົດປ່ອຍອິສລາມິກໂມໂຣ"ຄວນຮັບຜິດຊອບຕໍ່ເຫດການນີ້,ຮຽກຮ້ອງໃຫ້ອົງການດັ່ງກ່າວມອບຕົວຜູ້ທີ່ຖືກສົງໄສເປັນຜູ້ຂ້າທະຫານລັດຖະບານ,ຖ້າບໍ່ດັ່ງນັ້ນ,ຈະໃຊ້"ການເຄື່ອນໄຫວລົງໂທດ".
ກ່ອນໜ້ານີ້,ກອງທະຫານຟີລິບບິນໄດ້ແຕ່ງທະຫານໄປແຂວງບາຊີລານເພີ່ມຂຶ້ນ,ທ່ານນາງອາໂຣໂຢ ປະທານາທິບໍດີຟີລິບປິນຍັງໄດ້ແຕ່ງກອງປ້ອງກັນຂອງຕົນໄປເຂົ້າຮ່ວມການຈັບຕົວຜູ້ຖືກສົງໄສຢູ່ແຫ່ງນັ້ນ.
"ແນວໂຮມປົດປ່ອຍອິສລາມິກໂມໂຣ"ຢາກສ້າງຕັ້ງລັດຖະບານປົກຄອງຕົນເອງຢູ່ພາກໃຕ້ຟີລິບປິນຕະຫຼອດມາ.ການເຈລະຈາສັນຕິພາບລະຫວ່າງອົງການດັ່ງກ່າວກັບລັດຖະບານຟີລິບປິນຍັງຢຸດຄ້າງຍ້ອນບໍ່ສາມາດຕົກລົງຂອບເຂດປົກຄອງຕົນເອງ.
|
|
|
