|
ການເຈລະຈາລະດັບເອກອັກຄະລັດຖະທູດຄັ້ງທີ2ລະຫວ່າງອາເມລິກາກັບອີຣານດຳເນີນໄປຢ່າງຫຍຸ້ງຍາກ
cri
Author: shuo
ຕາມຂ່າວCRI:ວັນທີ24ກໍລະກົດນີ້,ຢູ່ນະຄອນຫຼວງແບກແດດຂອງອີຣັກ,ພາຍຫຼັງຈັດການເຈລະຈາຄັ້ງທີ2ກັບທ່ານຮາຊານ ຄາເຊມີ ໂຄມີ ເອກອັກຄະລັດຖະທູດອີຣານປະຈຳອີຣັກແລ້ວ,ທ່ານລຽນ ກຼໍເກີ ເອກອັກຄະລັດຖະທູດອາເມລິກາປະຈຳອີຣັກເວົ້າວ່າ,ສອງຝ່າຍໄດ້ດຳເນີນການຫາລືຢ່າງຫຍຸ້ງຍາກກ່ຽວກັບບັນຫາຄວາມປອດໄພຂອງອີຣັກ.
ພາຍຫຼັງການເຈລະຈາສິ້ນສຸດລົງແລ້ວ,ທ່ານກຼໍເກີເວົ້າວ່າ,ໃນການເຈລະຈາ,ທ່ານໄດ້ກ່າວປະນາມອີຣານສະໜອງການອົບຮົມແລະອາວຸດໃຫ້ແກ່ພວກຫົວຮຸນແຮງອີຣັກໂດຍກົງ. ທ່ານເຫັນວ່າ,ເຖິງວ່າອີຣານໄດ້ສະແດງໂດຍທາງປາກເປົ່າວ່າ ສະແດງການສະໜັບສະໜູນລັດຖະບານມາລີຄີຂອງອີຣັກກໍຕາມ,ແຕ່ການເຄື່ອນໄຫວຂອງພວກປະກອບອາວຸດທີ່ໄດ້ຮັບການສະໜັບສະໜູນຈາກຊາວອີຣານບໍ່ໄດ້ຫຼຸດລົງເທື່ອ,ຊ້ຳພັດໄດ້ເພີ່ມຫຼາຍຂຶ້ນ.
ທ່ານກຼໍເກີຍັງໄດ້ປະຕິເສດວ່າການເຈລະຈາລະຫວ່າງອາເມລິກາກັບອີຣານທີ່ຈັດຂຶ້ນຈົນຮອດຊູ່ມື້ນີ້ໄດ້ຮັບໝາກຜົນລັກສະນະທາດແທ້,ແຕ່ທ່ານຢືນຢັນວ່າ,ໃນວັນທີ24ກໍລະກົດນີ້, ອາເມລິກາ ອີຣານແລະອີຣັກໄດ້ເຫັນດີສ້າງຕັ້ງອະນຸກຳມະການຄວາມປອດໄພ,ດຳເນີນການເຈລະຈາຕໍ່ໄປກ່ຽວກັບການຟຶ້ນຟູສະຖຽນລະພາບຂອງອີຣັກ.
|
|
