|
6 ເດືອນຕົ້ນປີນີ້ ລາຍໄດ້ເງິນສົດຂອງຊາວກະສິກອນຈີນໄດ້ເພີ່ມຂຶ້ນ 13% ຕໍ່ຫົວຄົນໃນຕົວຈິງ
cri
ຕາມຂ່າວສານຊີນຮວາ: ວັນທີ 25 ກໍລະກົດນີ້,ກົມສະຖິຕິແຫ່ງຊາດຈີນໄດ້ປະກາດຕົວເລກຫລ້າສຸດສະແດງໃຫ້ເຫັນວ່າ, ໃນ 6 ເດືອນຕົ້ນປີນີ້, ລາຍໄດ້ເງິນສົດຂອງຊາວກະສິກອນຈີນໄດ້ເພີ່ມຂຶ້ນຫລາຍກວ່າ 13% ຕໍ່ຫົວຄົນໃນຕົວຈິງ, ເພີ່ມສູງກວ່າໄລຍະດຽວກັນຂອງປີກາຍ 1,4%.
ລາຍໄດ້ເງິນສົດຂອງຊາວກະສິກອນສຳຄັນແມ່ນໄດ້ຈາກເງິນເດືອນ ລາຍໄດ້ຈາກການຂາຍຜະລິດຕະພັນກະສິກຳແລະລາຍໄດ້ຈາກການຜະລິດແລະທຸລະກິດ.ຜົນການສຳຫລວດຕົວຢ່າງຂອງຊາວກະສິກອນເກືອບ 7 ຫມື່ນຄອບຄົວໃນ 31 ແຂວງ ເຂດປົກຄອງຕົນເອງແລະນະຄອນຂອງຈີນສະແດງໃຫ້ເຫັນວ່າ, ໃນລາຍໄດ້ເງິນສົດຂອງຊາວກະສິກອນຈີນໃນ 6 ເດືອນຕົ້ນປີນີ້, ເງິນເດືອນເພີ່ມຂຶ້ນຫລາຍກວ່າຫມູ່, ໂດຍສະເພາະແມ່ນລາຍໄດ້ຂອງຊາວກະສິກອນທີ່ເຮັດວຽກຢູ່ໃນຕົວເມືອງ.
|
|
