|
|
 |
| (GMT+08:00)
2007-07-26 18:20:07
|
 |
|
ຈີນຕັ້ງໜ້າດຳເນີນການຮ່ວມມືເສດຖະກິດພາກພື້ນ
cri
Author: cai
ຕາມຂ່າວສານຊີນຮວາ:ວັນທີ 26 ກໍລະກົດນີ້,ຢູ່"ເວທີປາໄສຊຸກຍູ້ການລົງທຶນລະຫວ່າງຊາດຄັ້ງທີ 4"ທີ່ຈັດຂຶ້ນຢູ່ນະຄອນຊີ່ອ່ານທາງພາກຕາເວັນຕົກສຽງເໜືອຂອງຈີນ,ທ່ານນາງໝ້າສີ້ວຮົງ ລັດຖະມົນຕີຊ່ວຍວ່າການກະຊວງການຄ້າຈີນກ່າວວ່າ,ລັດຖະບານຈີນເອົາໃຈໃສ່ໃນລະດັບສູງນຳການຮ່ວມມືດ້ານເສດຖະກິດໃນພາກພື້ນ,ແລະຖືເປັນຮູບການສຳຄັນທີ່ເຊື່ອມໂຍງເຂົ້າຂະບວນໂລກາພິວັດຕື່ມອີກແລະເປັນມາດຕະການສຳຄັນທີ່ຍົກລະດັບໄຂປະຕູສູ່ພາຍນອກໃຫ້ສູງຂຶ້ນຢ່າງຮອບດ້ານ.
ຕາມຂ່າວແຈ້ງວ່າ,ນັບແຕ່ຈີນເຂົ້າຮ່ວມອົງການອາເປັກເມື່ອປີ 1991 ມານີ້,ຈີນໄດ້ເຊັນສັນຍາການຄ້າເສລີກັບອາຊຽນ ຈີເລແລະປາກິສະຖານ.ປະຈຸບັນ,ຈີນຍັງພວມປຶກສາກັບ 28 ປະເທດແລະເຂດແຄວ້ນຂອງທະວີບອາຊີ ໂອເຊນີ ອາເມລິກາລາຕີນ ເອີລົບແລະອາຟຼິກາກ່ຽວກັບການຈັດວາງການຄ້າໃນພາກພື້ນ.
ທ່ານນາງໝ້າສີ້ວຮົງກ່າວວ່າ,ການຈັດວາງການຄ້າແລະກົນໄກຮ່ວມມືໃນພາກພື້ນເຫຼົ່ານີ້ທີ່ມີຢູ່ປະຈຸບັນ,ຈະຫຼຸດຜ່ອນຫຼືຈົນລົບລ້າງກຳແພງການຄ້າການລົງທຶນລະຫວ່າງຈີນກັບປະເທດແລະເຂດແຄວ້ນເຫຼົ່ານີ້ຕື່ມອີກ,ເພີ່ມທະວີຄວາມອາໄສກັນແລະການໄປມາຫາສູ່ກັນຢ່າງໃກ້ຊິດດ້ານເສດຖະກິດລະຫວ່າງຈີນກັບປະເທດອື່ນໆ.
|
|
|
