|
|
 |
| (GMT+08:00)
2007-07-27 11:59:28
|
 |
|
ທ່ານອັບບາສຫວັງຢາກເຊັນສັນຍາສັນຕິພາບກັບອິດສະລະແອນພາຍໃນໜຶ່ງປີ
cri
Author: shuo
ຕາມຂ່າວCRI:ວັນທີ26ກໍລະກົດນີ້,ທ່ານມາຣມຸດ ອັບບາສ ປະທານອົງການອຳນາດແຫ່ງຊາດປາເລັດສະຕິນກ່າວວ່າ,ທ່ານຫວັງຢາກເຊັນສັນຍາສັນຕິພາບກັບອິດສະລະແອນພາຍໃນໜຶ່ງປີ.
ວັນທີ26ກໍລະກົດນີ້,,ຢູ່ເມືອງລາມາລາ ເມືອງຝັ່ງຕາເວັນຕົກແມ່ນ້ຳຈໍແດນ,ທ່ານອັບບາສ ກ່າວວ່າ,ປາເລັດສະຕິນໄດ້ກຽມພ້ອມທີ່ຈະເຊັນສັນຍາກັບອິດສະລະແອນກ່ຽວກັບຖານະສຸດທ້າຍຂອງປາເລັດສະຕິນໃນເວລາຈັດກອງປະຊຸມສາກົນກ່ຽວກັບບັນຫາຕາເວັນອອກກາງໃນລະດູໃບໄມ້ຫຼົ່ນປີ2007.
ຂ່າວແຈ້ງຕື່ມວ່າ,ວັນທີ26ກໍລະກົດນີ້,ທ່ານນາງອັນຈີລາ ເມີເກວ ນາຍົກລັດຖະມົນຕີເຢຍລະມັນກັບທ່ານຈອຈ໌ ບຸສ ປະທານາທິບໍດີອາເມລິກາແລະທ່ານວຼາດີເມຍ ປູຕິນ ປະທານາທິບໍດີຣັດເຊຍໄດ້ປະຊຸມກັນທາງໂທລະສັບ,ຜູ້ນຳສາມປະເທດຕົ້ນຕໍໄດ້ຫາລືຄວາມອາດເປັນໄປໄດ້ທີ່ໃຊ້"ແຜນການສອງປະເທດ"ມາແກ້ໄຂການປະທະກັນລະຫວ່າງປາເລັດສະຕິນກັບອິດສະລະແອນ.ແຜນການນີ້ມີເນື້ອໃນກ່ຽວກັບປາເລັດສະຕິນກັບອິດສະລະແອນຕ່າງຮັບຮູ້ເຊິ່ງກັນແລະກັນແລະຢູ່ຮ່ວມກັນໂດຍສັນຕິ.
ຂ່າວແຈ້ງວ່າ,ທ່ານບຸສ ປະທານາທິບໍດີອາເມລິກາໄດ້ຮັບປາກຕໍ່ທ່ານອັບບາສວ່າ,ຈະພະຍາຍາມຊຸກຍູ້ໃຫ້ປາເລັດສະຕິນກັບອິດສະລະແອນເຊັນສັນຍາສັນຕິພາບກ່ອນທ່ານໝົດອາຍຸຕຳແໜ່ງປະທານາທິບໍດີ.ຫວ່າງມໍ່ໆນີ້,ທ່ານເອຮຸດ ໂອນເມີດ ນາຍົກລັດຖະມົນຕີອິດສະລະແອນກໍກ່າວວ່າ,ທ່ານຍິນດີເຈລະຈາກັບທ່ານອັບບາສກ່ຽວກັບບັນຫາສ້າງຕັ້ງປະເທດປາເລັດສະຕິນ,ແລະເຊັນສັນຍາທີ່ມີລັກສະນະຫຼັກການ,ເພື່ອໃຫ້ປາເລັດສະຕິນສ້າງຕັ້ງປະເທດຢູ່ແຖບກາຊາແລະຝັ່ງຕາເວັນຕົກແມ່ນ້ຳຈໍແດນ.
|
|
|
