|
ປະຕິຮູບໄຂປະຕູສູ່ພາຍນອກແມ່ນເສັ້ນທາງທີ່ຕ້ອງເດີນໃນການພັດທະນາສັງຄົມນິຍົມທີ່ມີສີສັນພິເສດຂອງຈີນ
cri
ຕາມຂ່າວ CRI: ວັນທີ 30 ກໍລະກົດນີ້, ໜັງສືພິມເຢິນມິນຢື້ປ້າວຂອງຈີນໄດ້ພິມບົດຄວາມຂອງນັກວິຈານ, ບົດຄວາມຊີ້ອອກວ່າ, ການປະຕິຮູບໄຂປະຕູສູ່ພາຍນອກແມ່ນເສັ້ນທາງທີ່ຕ້ອງເດີນໃນການພັດທະນາສັງຄົມນິຍົມທີ່ມີສີສັນພິເສດຂອງຈີນ.
ບົດຄວາມຂຽນວ່າ, ໃນ 29 ປີອັນສັ້ນໆທີ່ດຳເນີນການປະຕິຮູບໄຂປະຕູສູ່ພາຍນອກມານີ້, ຈີນໄດ້ປ່ຽນຈາກສະພາບເສດຖະກິດເກືອບພັງທະລາຍ, ປະຊາຊົນຊົນນະບົດ 250 ລ້ານຄົນກິນບໍ່ອີ່ມນຸ່ມບໍ່ອຸ່ນ, ກາຍເປັນປະເທດເສດຖະກິດໃຫຍ່ທີ 4 ໃນໂລກທີ່ມີພະລັງຊີວິດຕະຫຼາດທີ່ເຂັ້ມແຂງ, ສັງຄົມການເມືອງສະຖຽນລະພາບ, ຊີວິດຂອງປະຊາຊົນໄດ້ບັນລຸການກ້າວກະໂດດຄັ້ງປະຫວັດການທີ່ຈາກກິນອີ່ມນຸ່ມອຸ່ນຮອດມີຢູ່ມີກິນຍັງມີສ່ວນເຮໄວ້ສ່ວນລວມ.
ບົດຄວາມຂຽນວ່າ, ສັງຄົມນິຍົມທີ່ມີສີສັນພິເສດຂອງຈີນແມ່ນການປະດິດຄິດສ້າງດ້ານທິດສະດີຂອງພັກກອມມູນິດຈີນໃນສະໄໝປະຈຸບັນ. ມີແຕ່ຊຸກຍູ້ການປະຕິຮູບໄຂປະຕູສູ່ພາຍນອກຢ່າງເດັດດ່ຽວ, ຈຶ່ງສາມາດສະໜອງກຳລັງດັນອັນແຂງແຮງໃຫ້ແກ່ການພັດທະນາເສດຖະກິດແລະສັງຄົມຂອງຈີນໃນອະນາຄົດ, ເຮັດໃຫ້ສັງຄົມນິຍົມທີ່ມີສີສັນພິເສດຂອງຈີນເຕັມໄປດ້ວຍຄວາມຊີວິດຊີວາໂດຍຕະຫຼອດ.
|
|
