|
|
 |
| (GMT+08:00)
2007-07-30 17:03:23
|
 |
|
ກອງປະຊຸມລັດຖະມົນຕີຕ່າງປະເທດອາຊຽນຄັ້ງທີ40ໄຂຂຶ້ນຢູ່ຟີລິບປິນ
cri
Author: shuo
ຕາມຂ່າວສານຊິນຮວາ:ວັນທີ30ກໍລະກົດນີ້,ກອງປະຊຸມລັດຖະມົນຕີຕ່າງປະເທດອາຊຽນ ຄັ້ງທີ40ເລີ່ມຈັດຂຶ້ນຢູ່ນະຄອນຫຼວງມານີລາຂອງຟິລິບປິນ.ໃນຄຳປາໄສໄຂກອງປະຊຸມ, ນາງກຼໍເລຍ ມາຄາປາການ ອາໂລໂຢ ປະທານາທິບໍດີຟິລິບປິນກ່າວວ່າ,ນາງມີຄວາມໝັ້ນໃຈຢ່າງເຕັມທີ່ຕໍ່ການສາງປະຊາຄົມອາຊຽນກ່ອນປີ2015.
ທ່ານນາງອາໂລໂຢເວົ້າວ່າ,ການຮ່ວມມືຂອງພາກພື້ນອາຊຽນກຳລັງຢູ່ໃນໄລຍະດີທີ່ສຸດທີ່ບໍ່ເຄີຍມີມາກ່ອນ,ໄດ້ເສີມຂະຫຍາຍບົດບາດອັນສຳຄັນຕໍ່ການຊຸກຍູ້ສັນຕິພາບຂອງພາກພື້ນ ຄວາມເປັນທຳໃນສັງຄົມແລະການພັດທະນາເສດຖະກິດ;ການສ້າງປະຊາຄົມອາຊຽນແມ່ນຄວາມຮຽກຮ້ອງຕ້ອງການອັນແນ່ນອນຂອງການພັດທະນາຂອງພາກພື້ນແຫ່ງນີ້, ຫວັງວ່າກອງປະຊຸມຄັ້ງນີ້ຈະເສີມຂະຫຍາຍບົດບາດສຳຄັນຕໍ່ການສ້າງພາກພື້ນອາຊຽນເປັນອັນໜຶ່ງອັນດຽວແລະປະກອບສ່ວນຢ່າງຕັ້ງໜ້າເຂົ້າໃນການຊຸກຍູ້ສັນຕິພາບແລະສະຖຽນລະພາບຂອງພາກພື້ນອາຊີຕາເວັນອອກ.
ໃນເວລາເປັນປະທານກອງປະຊຸມ,ທ່ານອາວເບີໂຕ ໂຣມູໂລ ລັດຖະມົນຕີວ່າການກະຊວງການຕ່າງປະເທດຟິລິບປິນກ່າວວ່າ,ກອງປະຊຸມຄັ້ງນີ້ຈະຖືການຫາລືຮ່າງກົດບັດອາຊຽນສະບັບສຸດທ້າຍເປັນວາລະປະຊຸມອັນສຳຄັນ,ເພື່ອບັນລຸເປົ້າໝາຍການເມືອງທີ່ສ້າງປະຊາຄົມອາຊຽນກ່ອນປີ2015.
|
|
|
