|
|
 |
| (GMT+08:00)
2007-08-01 16:33:38
|
 |
|
ອາເມລິກາແລະປະເທດອາຣັບຈະເຮັດໃຫ້ຕາເວັນອອກກາງບັນລຸສັນຕິພາບ
cri
ຕາມຂ່າວCRI,ວັນທີ31ກໍລະກົດແລ້ວນີ້,ຢູ່ເມືອງຊາມເອນເຊັກຂອງເອຢິບ,ນາງຄອນໂດລີຊາ ໄລສ ລັດຖະມົນຕີວ່າການກະຊວງການຕ່າງປະເທດ ແລະທ່ານໂລເບີດ ເກັສ ລັດຖະມົນຕີວ່າການກະຊວງປ້ອງກັນປະເທດອາເມລິກາໄດ້ພົບປະເຈລະຈາກັບລັດຖະມົນຕີການຕ່າງປະເທດຂອງເອຢິບ ຊັອກດານີ ພ້ອມດ້ວຍປະເທດສະມາຊິກສະພາຮ່ວມມືອ່າວເປີເຊຍ.ໃນຖະແຫຼງການທີ່ປະກາດຫຼັງກອງປະຊຸມ,ຝ່າຍຕ່າງໆໄດ້ໃຫ້ຄຳໝັ້ນສັນຍາວ່າຈະພ້ອມກັນສຸມໃສ່ການເຮັດໃຫ້ເຂດຕາເວັນອອກກາງບັນລຸສັນຕິພາບແລະສະຖຽນລະພາບ.
ໃນຖະແຫຼງການ,ຝ່າຍຕ່າງໆເຫັນວ່າ,ການພົວພັນລະຫວ່າງປະເທດຄວນສ້າງຂຶ້ນຢູ່ບົນພື້ນຖານທີ່ຕ່າງເຄົາລົບອະທິປະໄຕແລະຜືນແຜ່ນດິນອັນຄົບຖ້ວນເຊິ່ງກັນແລະກັນ,ຄວນອີງໃສ່ກົດໝາຍລະຫວ່າງຊາດມາແກ້ໄຂການປະທະກັນລະຫວ່າງປະເທດໂດຍຜ່ານການເຈລະຈາແລະວິຖີທາງການທູດໂດຍສັນຕິ.ໃນຖະແຫຼງການ,ຝ່າຍຕ່າງໆຍັງເນັ້ນໜັກຄວາມສຳຄັນທີ່ເຮັດໃຫ້ເຂດຕາເວັນອອກກາງບັນລຸຄວາມຍຸດຕິທຳແລະສັນຕິພາບຮອບດ້ານ,ແລະກ່າວຢ້ຳວ່າຄວນອີງໃສ່ແຜນການສອງປະເທດມາສ້າງຕັ້ງປະເທດປາເລັສຕິນທີ່ເປັນເອກະລາດແລະຢູ່ຮ່ວມກັນໂດຍສັນຕິກັບອິສຣາແອນບົນພື້ນຖານມະຕິທີ່ກ່ຽວຂ້ອງຂອງສະຫະປະຊາຊາດແລະຂໍ້ລິເລີ່ມສັນຕິພາບອາຣັບ.
ໃນການພົບປະ, ນາງໄລສ ກັບທ່ານເກັສ ໄດ້ກ່າວຢ້ຳນະໂຍບາຍຕໍ່ອີຣັກຂອງລັດຖະບານອາເມລິກາ.ທັງສອງທ່ານກ່າວວ່າ,ເຖິງວ່າລັດຖະບານອາເມລິກາພວມປະເຊີນກັບແຮງກົດດັນນັບມື້ນັບຫຼາຍຂຶ້ນ,ແຕ່ອາເມລິກາຍັງຈະບໍ່ຖອນທະຫານອອກຈາກອີຣັກຢ່າງງ່າຍດາຍ.
ມື້ດຽວກັນ,ໃນການຟັງຄຳໃຫ້ການຂອງຄະນະກຳມາທິການການທະຫານຂອງສະພາສູງອາເມລິກາ,ພົນເອກ ໄມເຄິນມູເລນ ຂອງກອງທັບເຮືອອາເມລິກາທີ່ໄດ້ຮັບການສະເໜີຊື່ເປັນປະທານສະພາປະສົມເສນາທິການໃຫຍ່ອາເມລິກາຊຸດໜ້າຈາກທ່ານປະທານາທິບໍດີບຸສ ກ່າວວ່າ,ກອງທະຫານອາເມລິກາຍັງຈະຄົງຕົວຢູ່ອີຣັກອີກຫຼາຍປີຫາກບໍ່ແມ່ນຫຼາຍເດືອນເທົ່ານັ້ນ.
|
|
|
