ຜູ້ຊ່ຽວຊານຕ່າງປະເທດປະກອບຄວາມເຫັນກ່ຽວກັບບັນຫາຄົມມະນາຄົມໃນໄລຍະຈັດງານກິລາໂອລິມປິກປັກກິ່ງ
cri
Author: cai
ຕາມຂ່າວສານຊີນຮວາ:ວັນທີ 3 ສິງຫານີ້,ໃນ"ກອງປະຊຸມປະຈຳປີສາກົນກ່ຽວກັບຄົມມະນາຄົມໃນຕົວເມືອງຂອງຈີນຄັ້ງປະຖົມມະເລີກ"ທີ່ຈັດຂຶ້ນຢູ່ປັກກິ່ງ,ຜູ້ຊ່ຽວຊານຕ່າງປະເທດໄດ້ທະຍອຍກັນປະກອບຄວາມເຫັນກ່ຽວກັບບັນຫາຄົມມະນາຄົມໃນໄລຍະຈັດງານກິລາໂອລິມປິກປັກກິ່ງ.
ສາສະດາຈານຜູ້ໜຶ່ງທີ່ມາຈາກອາເມລິກາກ່າວຢ່າງແຈ່ມແຈ້ງວ່າ,ເຫັນດີໃຫ້ປັກກິ່ງຈຳກັດລົດແລ່ນໃນໄລຍະຈັດງານກິລາໂອລິມປິກ.ຜູ້ຊ່ຽວຊານຍີ່ປຸ່ນຜູ້ໜຶ່ງເຫັນວ່າ,ການຈຳກັດລົດແລ່ນຄວນໃຊ້ວິທີສົ່ງເສີມຫາກບໍ່ແມ່ນຫ້າມ.ທ່ານເຫັນວ່າ,ຄວນພິຈາລະນາໃຊ້ວິທີສົ່ງເສີມໃຫ້ຜູ້ບໍ່ຂັບລົດສ່ວນຕົວນັ້ນສະສົມຄະແນນເພື່ອແລກປ່ຽນເອົາຂອງຂວັນ.
ປັກກິ່ງມີປະຊາກອນ 15 ລ້ານຄົນ,ມີລົດຍົນ 3 ລ້ານຄັນ,ແລະຍັງພວມເພີ່ມຂຶ້ນຢ່າງວ່ອງໄວດ້ວຍຈັງຫວະ 1000 ຄັນຕໍ່ມື້.ເພື່ອຕ້ອນຮັບງານກິລາໂອລິມປິກ,ປັກກິ່ງໄດ້ສ້າງທາງຫຼວງໃໝ່ແລະແປງທາງຫຼວງຈຳນວນໜຶ່ງ,ຕາມແຜນຈະສ້າງສຳເລັດໃນທ້າຍປີ 2007.ນອກນີ້,ເມື່ອຮອດປີ 2008,ທາງລົດໄຟຂົນສົ່ງຜູ້ໂດຍສານຂອງປັກກິ່ງຈະເພີ່ມຂຶ້ນຮອດ 7 ສາຍ,ໄລຍະທາງຈະເພີ່ມຂຶ້ນຮອດເກືອບ 200 ກິໂລແມັດ.
|
|