|
|
 |
| (GMT+08:00)
2007-08-04 18:37:16
|
 |
|
ມາເລເຊຍຫວັງໃຫ້ເພີ່ມທະວີການສົນທະນາກັບອົສຕຼາລີ
cri
Author: cai
ຕາມຂ່າວສານຊີນຮວາ:ວັນທີ 3 ສິງຫານີ້,ທ່ານຊາອິດ ຮາມິດ ລັດຖະມົນຕີວ່າການກະຊວງການຕ່າງປະເທດມາເລເຊຍກ່າວວ່າ,ມາເລເຊຍກັບອົສຕຼາລີຄວນຜ່ານຈາກກົນໄກສອງຝ່າຍແລະຫຼາຍຝ່າຍທີ່ມີຢູ່ໃນປະຈຸບັນເພີ່ມທະວີການສົນທະນາກັນ,ເຮັດໃຫ້ສອງຝ່າຍຫຍັບເຂົ້າໃກ້ກັນໃນບັນຫາສາກົນແລະພາກພື້ນຈຳນວນໜຶ່ງ,ເພື່ອຊຸກຍູ້ການພົວພັນລະຫວ່າງສອງປະເທດໃຫ້ຂະຫຍາຍໄປໜ້າຕື່ມອີກ.
ທ່ານຊາອິດກ່າວວ່າ,ມາເລເຊຍກັບອົສຕຼາລີມີຫຼັກໝັ້ນບໍ່ເປັນເອກະສັນກັນໃນບັນຫາສາກົນແລະບັນຫາພາກພື້ນເຊັ່ນບັນຫາຕາເວັນອອກກາງເປັນຕົ້ນ,ມາເລເຊຍເຫັນຕະຫຼອດມາວ່າ,ການສົ່ງເສີມໃຊ້ກຳລັງອາວຸດພ້ອມກັນກັບມະຫາອຳນາດຕ່າງປະເທດແຊກແຊງວຽກງານພາຍໃນຂອງປະເທດອື່ນຢ່າງເປີດເຜີຍບໍ່ມີຜົນດີຕໍ່ສັນຕິພາບແລະສະຖຽນລະພາບຂອງໂລກ.
ທ່ານຊາອິດກ່າວວ່າ,ມາເລເຊຍກັບອົສຕຼາລີລ້ວນແຕ່ແມ່ນສະມາຊິກຂອງເວທີປຶກສາຫາລືດ້ານການເມືອງແລະຄວາມໝັ້ນຄົງໃນພາກພື້ນອາຊຽນຫຼື ARF ອົງການຮ່ວມມືເສດຖະກິດອາຊີປາຊີຟິກຫຼືອາເປັກແລະກອງປະຊຸມສຸດຍອດອາຊີຕາເວັນອອກ,ສອງປະເທດຍັງໄດ້ເຊັນສັນຍາຫຼາຍສະບັບເຊັ່ນການຮ່ວມມືຕ້ານການກໍ່ການຮ້າຍສາກົນເປັນຕົ້ນ.ສອງຝ່າຍຄວນນຳໃຊ້ກົນໄກທີ່ມີຢູ່ໃນປະຈຸບັນ,ແລກປ່ຽນຄວາມເຫັນ,ເພີ່ມຄວາມເຂົ້າໃຈກັນ,ຊຸກຍູ້ການພົວພັນລະຫວ່າງສອງຝ່າຍໄປສູ່ໄລຍະໃໝ່.
|
|
|
