|
ຂະແໜງການລ້ຽງສັດປີກຂອງຈີນພວມຟື້ນຟູເປັນປົກກະຕິເປັນກ້າວໆພາຍຫຼັງໄດ້ປະສົບພະຍາດໄຂ້ຫວັດສັດປີກແລ້ວ
cri
Author: cai
ຕາມຂ່າວຈາກໜັງສືພິມ"ເຢີນມີນຢື້ປ້າວ"ສະບັບວັນທີ 4 ສິງຫານີ້:ໃຕ້ການຊີ້ນຳຂອງນະໂຍບາຍອຸດໜູນຂອງລັດແລະການຊັກຈູງຂອງຕະຫຼາດ,ພາຍຫຼັງໄດ້ປະສົບຄວາມຫຍຸ້ງຍາກອັນໜັກໜ່ວງຍ້ອນພະຍາດລະບາດຕ່າງໆເຊັ່ນໄຂ້ຫວັດສັດປີກເປັນຕົ້ນ,ປະຈຸບັນ,ຂະແໜງການລ້ຽງສັດປີກຂອງຈີນພວມພົ້ນຈາກສະພາບຫຍຸ້ງຍາກແລະຟື້ນຟູການຜະລິດຄືນເປັນປົກກະຕິເປັນກ້າວໆ.
ຂໍ້ມູນຂອງກະຊວງກະສິກຳຈີນສະແດງໃຫ້ເຫັນວ່າ,ປະຈຸບັນ,ຈີນມີຜູ້ລ້ຽງສັດປີກເປັນອາຊີບຫຼາຍກວ່າ 10 ລ້ານຄົນ,ສ້າງມູນຄ່າຜະລິດຕະພັນ 300 ຕື້ຢວນຕໍ່ປີແລ້ວ,ຍັງໄດ້ຊັກຈູງການພັດທະນາຂອງຂະແໜງການທີ່ກ່ຽວຂ້ອງເຊັ່ນອຸດສາຫະກຳຫົວອາຫານ ການຜະລິດຢາປົວພະຍາດສັດແລະວັກແຊງພ້ອມດ້ວຍອຸດສາຫະກຳຜະລິດອຸປະກອນເປັນຕົ້ນ.
ປີ 2006,ຈີນໄດ້ຜະລິດຊີ້ນສັດປີກ 15 ລ້ານກວ່າໂຕນ,ເປັນທີສອງໃນໂລກ.ຜະລິດໄຂ່ 29 ລ້ານກວ່າໂຕນ,ໄດ້ເປັນທີໜຶ່ງໃນໂລກ 21 ປີລຽນຕິດ,ສະເລ່ຍແລ້ວແຕ່ລະຫົວຄົນມີໄຂ່ 22 ກິໂລ,ໄດ້ບັນລຸລະດັບສະເລ່ຍຂອງປະເທດທີ່ພັດທະນາແລ້ວ.
|
|
