|
ຜູ້ວ່າການທະນາຄານໂລກກ່າວວ່າ,ການເບີກໃບຕາດິນແມ່ນສຳຄັນຫຼາຍຕໍ່ກຳປູເຈຍຫຼຸດຜ່ອນຄວາມທຸກຍາກ
cri
Author: shuo
ຕາມຂ່າວສານຊິນຮວາ:ວັນທີ5ສິງຫານີ້,ທ່ານໂລເບີດ ໂຈລິກ ຜູ້ວ່າການທະນາຄານໂລກທີ່ພວມຢ້ຽມຢາມກຳປູເຈຍກ່າວວ່າ,ການເບີກໃບຕາດິນແມ່ນສຳຄັນທີ່ສຸດຕໍ່ກຳປູເຈຍຫຼຸດຜ່ອນຄວາມທຸກຍາກ.
ທ່ານໂຈລິກເວົ້າວ່າ,ເມື່ອໄດ້ຮັບໃບຕາດິນແລ້ວ,ຊາວກຳປູເຈຍທີ່ທຸກຍາກຈະສາມາດໃຊ້ມັນຮ້ອງຂໍເງິນກູ້ຈາກທະນາຄານເພື່ອໃຊ້ເຂົ້າໃນການລົງທຶນແລະທຸລະກິດ,ແລ້ວຈຶ່ງມີໂອກາດທີ່ພົ້ນອອກຈາກຄວາມທຸກຍາກແລະສ້າງຮັ່ງຄຸນມີ.ທ່ານກ່າວວ່າ,ລັດຖະບານກຳປູເຈຍພວມເບີກໃບຕາດິນໃຕ້ການອຸດໜູນພາຍການຊ່ວຍເຫຼືອຂອງທະນາຄານໂລກ,ແຕ່ລະເດືອນເບີກໃບຕາດິນ2ໝື່ນກວ່າສະບັບ,ໃນນັ້ນສ່ວນຫຼາຍຢູ່ເຂດຊົນນະບົດ.
ທ່ານໂຈລິກຍັງກ່າວວ່າ,ຫຼາຍປີມານີ້,ທ່ວງທ່າພັດທະນາເສດຖະກິດຂອງກຳປູເຈຍດີພໍສົມຄວນ,ໂດຍສະເພາະແມ່ນຂະແໜງການທ່ອງທ່ຽວເຕີບໂຕຢ່າງວ່ອງໄວ.ທ່ານກ່າວວ່າ,ທະນາຄານໂລກຍິນດີຊ່ວຍເຫຼືອກຳປູເຈຍໃຫ້ບັນລຸເປົ້າໝາຍພັດທະນາສະຫະສະຫວັດຂອງເຂົາ.
|
|
