|
ກະຊວງການຕ່າງປະເທດຈີນຕອບຄຳຖາມຂອງນັກຂ່າວກ່ຽວກັບບັນຫາຈີນໃຫ້ການຊ່ວຍເຫຼືອດ້ານພະລັງງານແກ່ສ.ປ.ປ.ເກົາຫຼີ
cri
Author: cai
ຕາມຂ່າວສານຊີນຮວາ:ວັນທີ 6 ສິງຫານີ້,ໃນເວລາຕອບຄຳຖາມຂອງນັກຂ່າວ,ກະຊວງການຕ່າງປະເທດຈີນກ່າວວ່າ,ໃນຖານະທີ່ເປັນປະເທດປະທານຂອງການເຈລະຈາ 6 ຝ່າຍກ່ຽວກັບບັນຫານິວເຄຼຍແຫຼມເກົາຫຼີ,ຝ່າຍຈີນຈະປະຕິບັດຖະແຫຼງການຮ່ວມວັນທີ 19 ກັນຍາແລະພັນທະໃນເອກະສານຮ່ວມວັນທີ 13 ກຸມພາຢ່າງຈິງຈັງ.
ຂ່າວແຈ້ງວ່າ,ພາຍຫຼັງສ.ເກົາຫຼີໄດ້ໃຫ້ການຊ່ວຍເຫຼືອນ້ຳມັນໜັກງວດທຳອິດ 5 ໝື່ນໂຕນແກ່ສ.ປ.ປ.ເກົາຫຼີແລ້ວ,ຈີນກໍ່ຈະຂົນສົ່ງນ້ຳມັນໜັກ 5 ໝື່ນໂຕນໄປໃຫ້ສ.ປ.ປ.ເກົາຫຼີໃນກາງເດືອນສິງຫານີ້.
ກ່ຽວກັບເລື່ອງນີ້,ກະຊວງການຕ່າງປະເທດກ່າວວ່າ,ໃນຖານະທີ່ເປັນປະເທດປະທານຂອງການເຈລະຈາ 6 ຝ່າຍ,ຝ່າຍຈີນຍິນດີສືບຕໍ່ເພີ່ມທະວີການປະສານງານແລະສົມທົບກັບຝ່າຍຕ່າງໆ,ຮັກສາທ່ວງທ່າອັນດີງາມໃນປະຈຸບັນ,ຮ່ວມກັນເຮັດວຽກໄລຍະຕໍ່ໄປໃຫ້ດີ,ຜັນຂະຫຍາຍສັນຍາທີ່ໄດ້ເຊັນກັນຢ່າງຮອບດ້ານແລະສະໝ່ຳສະເໝີກັນ,ຊຸກຍູ້ໃຫ້ການເຈລະຈາ 6 ຝ່າຍໄດ້ຮັບຜົນສຳເລັດໃໝ່ຢ່າງບໍ່ຢຸດຢັ້ງ.
|
|
