|
|
 |
| (GMT+08:00)
2007-08-07 11:20:52
|
 |
|
ອົງການອະນາໄມໂລກຮຽກຮ້ອງອິນໂດເນເຊຍສົ່ງຕົວຢ່າງເຊື້ອພະຍາດໄຂ້ຫວັດສັດປີກໃຫ້ໂດຍໄວ
cri
ຕາມຂ່າວ cri:ໃນງານຖະແຫລງຂ່າວທີ່ຈັດຂຶ້ນຢູ່ເຊີແນວໃນວັນທີ 6 ສິງຫານີ້,ທ່ານເດວິດໄຮມານ ຜູ່ຊ່ວຍຜູ່ອຳນວຍການອົງການອະນາໄມໂລກທີ່ຮັບຜິດຊອບວຽກງານພະຍາດຕິດແປດຮຽກຮ້ອງໃຫ້ອິນໂດເນເຊຍສົ່ງຕົວຢ່າງເຊື້ອພະຍາດໄຂ້ຫວັດສັດປີກໃຫ້ຫ້ອງທົດລອງຂອງອົງການອະນາໄມໂລກໂດຍໄວ.
ທ່ານໄຮມານກ່າວວ່າ, ອິນໂດເນເຊຍແມ່ນປະເທດທີ່ມີໄຂ້ຫວັດສັດປີກຮ້າຍແຮງກວ່າຫມູ່ໃນໂລກ,ອິນໂດເນເຊຍກັບອົງການອະນາໄມໂລກນຳໃຊ້ຕົວຢ່າງເຊື້ອພະຍາດໄຂ້ຫວັດສັດປີກປະເພດ h5n1 ນຳກັນແມ່ນເລື່ອງທີ່ສຳຄັນຫລາຍເພື່ອຄົ້ນຄ້ວາຄວບຄຸມໄຂ້ຫວັດສັດປີກໃນທົ່ວໂລກ,ແຕ່ຈົນຮອດດຽວນີ້, ອິນໂດເນເຊຍກໍ່ຍັງບໍ່ທັນເຮັດແນວນັ້ນເທື່ອ.ຖ້າວ່າສເປັນແນວນີ້ຕໍ່ໄປ,ຈະເກີດຜົນຮ້າຍຢ້ອນຫລງອັນຫນັກຫນ່ວງສອງຢ່າງຄື ຫນຶ່ງວັກແຊງໄຂ້ຫວັດສັດປີກທີ່ຄົ້ນຄວ້າຜະລິດອອກມາໃນພາຍຫນ້ານັ້ນອາດຈະບໍ່ເຫມາະໃຊ້ກັບປະເພດໄຂຫວັດສັດປີກທີ່ເກີດຂຶ້ນຢູ່ອິນໂດເນເຊຍ;ສອງຖ້າບໍ່ສາມາດປ້ອງກັນການປ່ຽນແປງກະທັນຫັນຂອງເຊື້ອພະຍາດໄຂ້ຫວັດສັດປີກດ້ວຍວິທີຕິດຕາມກວດກາຕົວຢ່າງເຊື້ອພະຍາດແລ້ວ,ກໍ່ອາດຈະນຳເອົາຄວາມສ່ຽງຫລາຍສົມຄວນມາໃຫ້ປະເທດຕ່າງໆໃນໂລກ.
ທ້າຍປີການນີ້,ອິນໂດເນເຊຍໄດ້ອ້າງວ່າ ຫ້ອງທົດລອງຂອງອົງການອະນາໄມໂລກຮ່ວມມືກັບບໍລິສັດຜະລິດຢາຂອງຝ່າຍຕາເວັນຕົກ,ໃຊ້ຕົວຢ່າງເຊືອພະຍາດທີ່ອິນໂດເນເຊຍສະຫນອງນັນຜະລິດຊັກແຊງແລ້ວຂາຍໃຫ້ປະເທດພວມພັດທະນາດ້ວຍລາຄາແພງ, ແລ້ວໄດ້ຜົນກຳໄລກ້ອນໃຫຍ່,ອິນໂດເນເຊຍຈິ່ງເຊົາສົ່ງຕົວຢ່າງເຊື້ອພະຍາດໃຫ້ອົງການອະນາໄມໂລກ. ໃນໂອກາດທີ່ຈັດກອງປະຊຸມອະນາໄມໂລກໃນເດືອນພຶດສະພາປີນີ້,ໄດ້ຕົກລົງຂອບຫລັກການທີ່ວ່າປະເທດຕ່າງໆມີພັນທະສະຫນອງຕົວຢ່າງເຊື້ອພະຍາດໃຫ້ອົງການອະນາໄມໂລກ,ແຕ່ຕ້ອງສ້າງກົນໄກຕິດຕາມກວດກາແລະເຮັດໃຫ້ປະເທດພວມພັດທະໄດ້ຮັບຜົນປະໂຫຍດ.
|
|
|
