|
|
 |
| (GMT+08:00)
2007-08-10 11:59:16
|
 |
|
ອັດຕາລອກແບບຊອັຟແວຂອງຈີນມີທ່ວງທ່າຕ່ຳລົງ
cri
Author: cai
ຕາມຂ່າວສານຊີນຮວາ:ວັນທີ 9 ສິງຫານີ້,ຢູ່ປັກກິ່ງ,ທ່ານສູຊ່າວ ຮອງຫົວໜ້າພະແນກລິຂະສິດທິບັດຂອງກົມລິຂະສິດແຫ່ງຊາດຈີນກ່າວວ່າ,ໃນຊຸມປີມໍ່ໆມານີ້,ອັດຕາລອກແບບຊອັຟແວຂອງຈີນມີທ່ວງທ່າຕ່ຳລົງ,ສະພາບແວດລ້ອມພັດທະນາຜະລິດຕະກຳຊອັຟແວກໍພວມປັບປຸງໄດ້ດີຂຶ້ນເປັນກ້າວໆ.
ໃນກອງປະຊຸມປະກາດ"ບົດລາຍງານສຳຫຼວດສະພາບແວດລ້ອມການພັດທະນາຜະລິດຕະກຳຊອັຟແວຂອງຈີນ",ທ່ານສູຊ່າວກ່າວວ່າ,ໃນຫຼາຍປີມານີ້,ລັດຖະບານຈີນໄດ້ເພີ່ມຄວາມແຮງໂຈມຕີການລອກແບບ,ໂດຍສະເພາະແມ່ນອົງການປົກຄອງທຸກຂັ້ນໄດ້ນຳໜ້າໃຊ້ແຕ່ຊອັຟແວຂອງແທ້,ແລະພາຍຫຼັງໄດ້ຜັນຂະຫຍາຍມາດຕະການຕິດຕັ້ງຊອັຟແວຂອງແທ້ລ່ວງໜ້າແລ້ວ,ໄດ້ມີປະສິດທິຜົນອັນຕັ້ງໜ້າຕໍ່ການເຮັດໃຫ້ຕະຫຼາດຊອັຟແວເປັນແບບສະບັບແລະການໂຈມຕີການລອກແບບ.
ຂໍ້ມູນຂອງສູນບໍລິການໃຫ້ຄຳປຶກສາກ່ຽວກັບສິດຊັບສິນທາງປັນຍາດ້ານເອເລັກໂຕຼນິກຂອງກະຊວງອຸດສາຫະກຳຂໍ້ມູນຂ່າວສານຂອງຈີນສະແດງໃຫ້ເຫັນວ່າ,ອັດຕາລອກແບບຊອັຟແວຂອງຈີນພວມຕ່ຳລົງດ້ວຍຈັງຫວະປະມານ 2% ຕໍ່ປີ.
|
|
|
