|
|
 |
| (GMT+08:00)
2007-08-14 18:06:08
|
 |
|
ລັດຖະບານຈີນອອກຄຳສັ່ງແນະນຳກ່ຽວກັບການສ້າງຕັ້ງລະບອບປະກັນຊີວິດການເປັນຢູ່ຂັ້ນຕ່ຳສຸດຢູ່ຊົນນະບົດໃນທົ່ວປະເທດ
cri
Author: cai
ຕາມຂ່າວສານຊີນຮວາ:ວັນທີ 13 ສິງຫານີ້,ລັດຖະບານຈີນໄດ້ອອກຄຳສັ່ງແນະນຳສະບັບໜຶ່ງເຖິງອົງການປົກຄອງທ້ອງຖິ່ນທຸກຂັ້ນແລະຂະແໜງການຕ່າງໆຂອງລັດຖະບານ,ຄຳສັ່ງແນະນຳກ່າວເນັ້ນວ່າ,ຈີນຈະສ້າງຕັ້ງລະບອບຄ້ຳປະກັນຊີວິດການເປັນຢູ່ຂັ້ນຕ່ຳສຸດຢູ່ຊົນນະບົດພາຍໃນຂອບເຂດທົ່ວປະເທດ,ປະຊາກອນຜູ້ທຸກຍາກໃນຊົນນະບົດທີ່ສອດຄ່ອງກັບເງື່ອນໄຂຈະຈັດເຂົ້າໃນຂອບເຂດຄ້ຳປະກັນທັງໝົດ,ແກ້ໄຂບັນຫາກິນອີ່ມນຸ່ງອຸ່ນຂອງປະຊາກອນທຸກຍາກໃນຊົນນະບົດທົ່ວປະເທດຢ່າງໜັກແໜ້ນ ຍາວນານແລະບັງເກີດຜົນ.
ນັບແຕ່ດຳເນີນການປະຕິຮູບແລະໄຂປະຕູສູ່ພາຍນອກມານີ້,ຈີນໄດ້ເພີ່ມຄວາມແຮງໃນວຽກງານພັດທະນາການຫຼຸດຜ່ອນຄວາມທຸກຍາກແລະການຊ່ວຍເຫຼືອສັງຄົມຢ່າງບໍ່ຢຸດຢັ້ງ,ຈຳນວນປະຊາກອນທຸກຍາກຢູ່ຊົນນະບົດໄດ້ຫຼຸດໜ້ອຍລົງຢ່າງຫຼວງຫຼາຍ.ແຕ່ວ່າ,ຍັງມີປະຊາກອນທຸກຍາກສ່ວນໜຶ່ງຍັງບໍ່ທັນໄດ້ແກ້ໄຂບັນຫາກິນອີ່ມນຸ່ງອຸ່ນເທື່ອ,ຕ້ອງການຄວາມຊ່ວຍເຫຼືອທີ່ຈຳເປັນຂອງລັດຖະບານ.
ຕາມສະຖິຕິຂອງກະຊວງການປົກຄອງແລະປະຊາສົງເຄາະຈີນ,ນັບມາຮອດທ້າຍເດືອນມິຖຸນາປີນີ້,ຢູ່ 31 ແຂວງ ເຂດປົກຄອງຕົນເອງແລະນະຄອນໃນທົ່ວປະເທດ,ລ້ວນແຕ່ໄດ້ສ້າງຕັ້ງລະບອບຄ້ຳປະກັນຊີວິດການເປັນຢູ່ຂັ້ນຕ່ຳສຸດຢູ່ຊົນນະບົດ,ມີປະຊາກອນ 20 ລ້ານ 6 ແສນ 8 ໝື່ນຄົນໄດ້ຮັບຜົນປະໂຫຍດຈາກລະບອບນີ້.
ທ່ານຫຼີລີ້ໂກ ລັດຖະມົນຕີຊ່ວຍວ່າການກະຊວງການປົກຄອງແລະປະຊາສົງເຄາະຈີນກ່າວວ່າ,ໃນທ້າຍປີນີ້,ຄາດວ່າຈະຈັດເອົາປະຊາກອນຜູ້ທຸກຍາກທັງໝົດໃນຊົນນະບົດເຂົ້າໃນລະບົບຄ້ຳປະກັນຊີວິດການເປັນຢູ່ຂັ້ນຕ່ຳສຸດໃນຊົນນະບົດ.
|
|
|
