|
ເຈົ້າໜ້າທີ່ສິ່ງແວດລ້ອມອາເມລິກາກ່າວວ່າ ອາເມລິກາຫວັງເພີ່ມທະວີການຮ່ວມມືກັບຈີນເພື່ອຮັບມືກັບການປ່ຽນແປງຂອງອາກາດ
cri
Author: cai
ຕາມຂ່າວສານຊີນຮວາ:ວັນທີ 14 ສິງຫານີ້,ຢູ່ປັກກິ່ງ,ທ່ານເຈມສ໌ ຄອນໂນຕັນ ປະທານຄະນະກຳມະການຄຸນນະພາບສິ່ງແວດລ້ອມຂອງທຳນຽບຂາວອາເມລິກາທີ່ພວມຢ້ຽມຢາມຈີນກ່າວວ່າ,ລັດຖະບານຈີນໄດ້ທຳຄວາມພະຍາຍາມຢ່າງຫຼວງຫຼາຍເພື່ອຮັບມືກັບການປ່ຽນແປງຂອງອາກາດທົ່ວໂລກ,ອາເມລິກາຫວັງຮ່ວມມືກັບຈີນຮັບມືກັບການທ້າທາຍດັ່ງກ່າວ.
ທ່ານເຈມສ໌ ຄອນໂນຕັນກ່າວວ່າ,ລັດຖະບານຈີນໄດ້ເນັ້ນໜັກຄວາມສຳຄັນຂອງການອະນຸລັກສິ່ງແວດລ້ອມໃນແຜນການ 5 ປີຫຼ້າສຸດ,ແລະຊີ້ອອກວ່າ,ໃນຂະນະທີ່ພັດທະນາເສດຖະກິດນັ້ນ,ການອະນຸລັກສິ່ງແວດລ້ອມກັບຊັບພະຍາກອນທຳມະຊາດແມ່ນເລື່ອງຈຳເປັນທີ່ສຸດ,ນີ້ແມ່ນການຕັດສິນໃຈທີ່ສະຫຼາດ.
ທ່ານຄອນໂນຕັນກ່າວວ່າ,ອາເມລິກາໄດ້ຕົກລົງຮຽກໂຮມປະເທດທີ່ລະບາຍອາຍພິດເຮືອນແກ້ວອ່າວຫຼາຍມາຈັດກອງປະຊຸມຮັບມືກັບການປ່ຽນແປງຂອງອາກາດຢູ່ວໍຊິງຕັນໃນເດືອນກັນຍາປີນີ້.ການພົວພັນລະຫວ່າງອາເມລິກາກັບຈີນໃນດ້ານການອະນຸລັກສິ່ງແວດລ້ອມແລະການພັດທະນາເສດຖະກິດໃຫ້ຈະເລີນນັ້ນເປັນການລະດົມໃຈຄົນທີ່ສຸດ,ອາເມລິກາຫວັງໃຫ້ຈີນແຕ່ງຄະນະຜູ້ແທນລະດັບສູງມາເຂົ້າຮ່ວມກອງປະຊຸມເທື່ອນີ້.
|
|
