|
|
 |
| (GMT+08:00)
2007-08-15 20:07:11
|
 |
|
ຄົນກາງ 5000 ຄົນເຄື່ອນໄຫວຢູ່ເຂດກະສິກຳແລະເຂດລ້ຽງສັດຂອງຕິເບດ
cri
Author: cai
ຕາມຂ່າວສານຊີນຮວາ:ປະຈຸບັນ,ຊາວນາແລະຊາວລ້ຽງສັດທີ່ເປັນອາຊີບຄົນກາງ 5000 ກວ່າຄົນເຄື່ອນໄຫວຢູ່ແຫ່ງຕ່າງໆຂອງຕິເບດ,ພວກເຂົາເຈົ້າພວມເສີມຂະຫຍາຍບົດບາດອັນຕັ້ງໜ້າໃນການຊີ້ນຳຊາວນາແລະຊາວລ້ຽງສັດພັດທະນາການຜະລິດ ເຂົ້າຕະຫຼາດແລະເຮັດໃຫ້ການຜະລິດກັບການຈຳໜ່າຍຄ່ອງແຄ້ວດີ.
ເມືອງຈານາງແມ່ນເຂດຜະລິດພົມຕິເບດທີ່ສຳຄັນ,ພົມຕິເບດແມ່ນເຄື່ອງຫັດຖະກຳທີ່ມີມູນເຊື້ອຂອງເຜົ່າຕິເບດ,ຊາວນາແລະຊາວລ້ຽງສັດສ່ວນຫຼາຍຜະລິດພົມຕິເບດ,ຄົນກາງໄດ້ດຳເນີນການທຸລະກິດຈຳໜ່າຍພົມຕິເບດ,ຊື້ພົມຕິເບດຈາກຊາວນາແລະຊາວລ້ຽງສັດ,ແລ້ວຈຳໜ່າຍຢ່າງເປັນເອກະພາບກັນໂດຍຜ່ານຊ່ອງທາງຈຳໜ່າຍຂອງຕົນ.
ຜູ້ຮັບຜິດຊອບທີ່ກ່ຽວຂ້ອງຂອງພະແນກກະສິກຳແລະການລ້ຽງສັດຂອງເຂດປົກຄອງຕົນເອງຕິເບດແນະນຳວ່າ,ຄົນກາງເຫຼົ່ານີ້ທີ່ເຄື່ອນໄຫວຢູ່ແຫ່ງຕ່າງໆຂອງເຂດຕິເບດໃນປະຈຸບັນ,ສ່ວນຫຼາຍມີຄວາມຮູ້ຄວາມສາມາດດຳເນີນການທຸລະກິດ,ໄດ້ເສີມຂະຫຍາຍບົດບາດທີ່ບໍ່ມີໃຜເຂົ້າແທນໄດ້ຕໍ່ການສ້າງຕະຫຼາດໃຫ້ຈະເລີນຮຸ່ງເຮືອງແລະການພັດທະນາເສດຖະກິດຂອງເຂດກະສິກຳແລະເຂດລ້ຽງສັດ.
|
|
|
