|
ລັດຖະມົນຕີກະຊວງພານິດໄທກ່າວວ່າ, ໄທຍິນດີຮ່ວມມືກັບພາກຕາເວັນຕົກຈີນ ພັດທະນາພ້ອມກັນ
cri
ຕາມຂ່າວສານຈີນ: ວັນທີ 14 ສິງຫານີ້, ຢູ່ເມືອງອູລຸມູກີ ເທດສະບານເຂດ ປົກຄອງຕົນເອງເຜົ່າເວີຍອູເອີຊິ່ນຈ່ຽງທີ່ຢູ່ພາກຕາເວັນຕົກຂອງຈີນ, ທ່ານເກຼີກໄກຼ ຈີຣະພັດ ລັດຖະມົນຕີກະຊວງພານິດໄທກ່າວວ່າ, ໄທຍິນດີດຳເນີນການຮ່ວມມືຢ່າງດີກັບພາກຕາເວັນຕົກຈີນ, ພັດທະນາພ້ອມກັນ.
ທ່ານເກຼີກໄກຼ ຈີຣະພັດແມ່ນໃຫ້ທັດສະນະດັ່ງກ່າວໃນເວລາພົບປະທ່ານອິສມາອີ ທິລິວາດີ ປະທານເຂດຊິ່ນຈ່ຽງ.
ທ່ານອິສມາອີ ທິລິວາດີແນະນຳຕໍ່ທ່ານເກຼີກໄກຼ ຈີຣະພັດພ້ອມດ້ວຍຄະນະວ່າ, ເຂດຊິ່ນຈ່ຽງຈີນມີທ່າແຮງດ້ານພູມສາດອັນເດັ່ນຊັດ, ໃນບໍ່ທໍ່ໃດປີມານີ້, ໄດ້ຮັບໝາກຜົນຢ່າງຫຼວງຫຼາຍໃນການພັດທະນາການເປີດປະຕູສູ່ພາຍນອກ. ເຂດຊິ່ນຈ່ຽງຫວັງຢາກເພີ່ມທະວີການຮ່ວມມືກັບວິສາຫະກິດໄທ.
|
|
