|
ລັດຖະບານຈີນເພີ່ມງົບປະມານຕ້ານໄພກູ້ໄພ
cri
Author: cai
ຕາມຂ່າວສານຊີນຮວາ:ວັນທີ 15 ສິງຫານີ້,ໃນກອງປະຊຸມຄະນະປະຈຳລັດຖະບານຈີນທີ່ທ່ານເວີ່ນເຈ່ຍປາວ ນາຍົກລັດຖະມົນຕີເປັນປະທານ,ລັດຖະບານຈີນຕົກລົງເພີ່ມງົບປະມານສູນກາງຕ້ານໄພກູ້ໄພຈາກ 6 ຕື້ 700 ລ້ານຢວນເຖິງ 11 ຕື້ 540 ລ້ານຢວນ,ເພື່ອຮັບມືກັບໄພທຳມະຊາດທີ່ຍັງເຄັ່ງຕຶງສົມຄວນໃນປະຈຸບັນນີ້.
ນັບແຕ່ຕົ້ນປີນີ້ມາ,ດິນຟ້າອາກາດຂອງຈີນຜິດປົກກະຕິຫຼາຍ,ໄພທຳມະຊາດຫຼາຍຊະນິດເກີດຂຶ້ນພ້ອມກັນ,ທັງເກີດຂຶ້ນຫຼາຍທ້ອງຖິ່ນຢ່າງກວ້າງຂວາງ,ລະດັບປະສົບໄພໜັກກວ່າປີກາຍແລະໄລຍະດຽວກັນຂອງແຕ່ລະປີຢ່າງເດັ່ນຊັດ.
ກອງປະຊຸມຄະນະປະຈຳລັດຖະບານຈີນກ່າວເນັ້ນວ່າ,ແຫ່ງຕ່າງໆແລະພາກສ່ວນຕ່າງໆຕ້ອງສືບຕໍ່ຕິດຕາມໄພທຳມະຊາດແລະພະຍາກອນໄພ,ຈັດວາງຊີວິດການເປັນຢູ່ຂອງປະຊາຊົນທີ່ປະສົບໄພໃຫ້ເໝາະສົມ.ພ້ອມກັນນັ້ນ,ຮຽກຮ້ອງໃຫ້ແຫ່ງຕ່າງໆແລະພາກສ່ວນຕ່າງໆລະດົມກຳລັງທົ່ວສັງຄົມ,ຮ່ວມຈິດຮ່ວມໃຈ,ພະຍາຍາມຍາດແຍ່ງໄຊຊະນະຮອບດ້ານຂອງການຕ້ານໄພກູ້ໄພ.
|
|
