|
ອາເມລິກາມີແຜນການຈະຮັກສາກອງທະຫານ1ແສນ6ໝື່ນຄົນປະຈຳຢູ່ອີຣັກຈົນເຖິງເດືອນເມສາປີ2008
cri
Author: shuo
ຕາມຂ່າວສານຊິນຮວາ:ວັນທີ17ສິງຫານີ້,ທ່ານເຣມົນດ໌ ໂອເດຍໂນ ຜູ້ບັນຊາການທີ່ຮັບຜິດຊອບວຽກງານສູ້ລົບປະຈຳວັນຂອງກອງທະຫານອາເມລິກາປະຈຳອີຣັກກ່າວວ່າ,ຝ່າຍທະຫານມີແຜນການຈະຮັກສາຈຳນວນທະຫານອາເມລິກາປະຈຳອີຣັກທີ່ມີປະມານ1ແສນ6ໝື່ນຄົນໃນປະຈຸບັນນັ້ນຈົນເຖິງເດືອນເມສາປີ2008,ແລ້ວເລີ່ມຫຼຸດຈຳນວນທະຫານ,ຄ່ອຍໆຫຼຸດລົງຮອດລະດັບຄືກັນກັບຕົ້ນປີ2007ກ່ອນການເພີ່ມສົ່ງທະຫານໄປອີຣັກ.
ວັນທີ17ສິງຫານີ້,ໃນກອງປະຊຸມຖະແຫຼງຂ່າວທາງວີດີໂອ,ທ່ານໂອເດຍໂນທີ່ພວມຢູ່ອີຣັກເວົ້າວ່າ,ເຖິງວ່າກອງທະຫານອາເມລິກາຍັງປະສົບຄວາມຫຍຸ້ງຍາກຢູ່ອີຣັກກໍຕາມ,ແຕ່ແຜນການເພີ່ມສົ່ງທະຫານໄປອີຣັກນັ້ນໄດ້ເລີ່ມບັງເກີດຜົນ,ຫຼາຍເດືອນມານີ້,ສະພາບຄວາມປອດໄພໂດຍລວມຂອງອີຣັກໄດ້ຄ່ອຍໆດີຂຶ້ນ.ກອງທະຫານອາເມລິກາມີແຜນການຈະດຳເນີນການໂຈມຕີຢ່າງວ່ອງໄວຕໍ່ກຸ່ມອານ ເຄດາແລະກອງປະກອບອາວຸດຕ້ານອາເມລິກາໃນຫຼາຍສັບປະດາຕໍ່ໜ້າ.
|
|
