ຕາມ​ຂ່າວCRI:ວັນ​ທີ18​ສິງຫາ​ນີ້,ຢູ່​ນະຄອນເຊິ່ນ​ເຈີ້ນ ​ທາງພາກ​ໃຕ້​ຂອງ​ຈີນ,ທ່ານ​ຊ້ຽງ​ຮວຍ​ເຊິ​ງ ປະ​ທານ​ຄະ​ນະ​ຜູ້​ອຳ​ນວຍ​ການ​ຂອງ​ມູນ​ນິທິ​ປະກັນ​ສັງຄົມ​​ຈີນ​ໃຫ້​ສຳພາດ​ຕໍ່​ສື່​ມວນ​ຊົນ​ວ່າ,​ຜົນ​ກະ​ທົບ​ຂອງວິ​ກິດ​ການ​ການ​ເງິນ​ອາ​ເມ​ລິ​ກາທີ່​ມີ​ຕໍ່​ຕະຫຼາດທົ່ວ​ໂລກນັ້ນ​ແມ່ນປະ​ເມີນຕ່ຳ​ບໍ່​ໄດ້,​ແຕ່​ການ​ລົງທຶນ​ຢູ່​ຕ່າງປະ​ເທດ​ຂອງມູນ​ນິ​ທິ​ປະ​ກັນ​ສັງຄົມ​ຂອງ​ຈີນຈະ​ບໍ່​ຢຸດ​ເຊົາ​ຍ້ອນ​ເຫດ​ນີ້.

​ໃນ​ເວລາ​ເຂົ້າຮ່ວມ​ກອງ​ປະຊຸມ​​ເງິນ​ທຶນ​ຈີນ​2007,​ທ່ານ​ຊ້ຽງຮວຍ​ເຊິ​ງກ່າວ​ວ່າ,ວິ​ກິດ​ການ​ການ​ການ​ເງິນ​ອາ​ເມ​ລິ​ກາ​ທີ່​ພວມ​ເກີດ​ຂຶ້ນ​ໃນ​ປະ​ຈຸ​ບັນ,​ອາດ​ແມ່ນ​ວິ​ກິດ​ການ​ການ​ເງິນ​ທີ່​ໃຫຍ່​ກວ່າ​ໝູ່​ທີ່​ເກີດ​ຂຶ້ນ​ຢູ່​ອາ​ເມ​ລິ​ກາ​ພາຍ​ຫຼັງ​ວິ​ກິດ​ການ​ຫຸ້ນ​ສ່ວນ​ອາ​ເມ​ລິ​ກາ​ປີ​1929,​ຜົນ​ກະ​ທົບ​ຂອງ​ມັນ​ຈະ​ປະ​ເມີນ​ຕ່ຳ​ບໍ່​ໄດ້.

ທ່ານ​ຊ້ຽງຮວຍ​ເຊິ​ງ​ເຫັນ​ວ່າ,​ແຕ່​ເກີດ​ວິ​ກິດ​ການ​ການ​ເງິນ​ອາ​ເມ​ລິ​ກາມາ​ນີ້,​ທະ​ນາ​ຄານ​ກາງ​ຂອງ​ອາ​ເມ​ລິ​ກາ ​ເອີ​ລົບ​ແລະ​ຍີ່​ປຸ່ນ​ພາ​ກັນ​ລົງ​ທຶນ​ກ້ອນ​ໃຫຍ່​ເພື່ອ​ກອບ​ກູ້​ຕະ​ຫຼາດ,​ໃນ​ນັ້ນ​ທະ​ນາ​ຄານ​ກາງ​ຂອງ​ອາ​ເມ​ລິ​ກາ​ໄດ້​ລົງ​ທຶນ​ຫຼາຍ​ກວ່າ​400​ຕື້​ໂດ​ລາ,​ທັງ​ໝົດ​ເຫຼົ່າ​ນີ້​ລ້ວນ​ແຕ່​ສະ​ແດງ​ໃຫ້​ເຫັນ​ວ່າ,​ຄວາມ​ແຮງ​ແລະ​ຂອບ​​ເຂດ​ຂອງ​ຜົນ​ກະ​ທົບ​ຂອງ​ວິ​ກິດ​ການ​ການ​ເງິນ​​ເທື່ອ​ນີ້​​ຖື​ເບົາ​ບໍ່​ໄດ້.