|
ມູນນິທິມໍລະດົກການບິນຈີນອາເມລິກາຈະບໍລິຈາກວັດຖຸສິ່ງຂອງແລະເອກະສານໃນສົງຄາມໂລກຄັ້ງທີສອງໃຫ້ສວນສາທາລະນະມິດຕະພາບສົງຄາມໂລກຄັ້ງທີສອງອາເມລິກາຈີນ
cri
ຕາມຂ່າວສານຊິນຮວາ,ວັນທີ18ສິງຫານີ້,ຢູ່ນະຄອນຄຸນມິງ ແຂວງຢຸນນານ ພາກຕາເວັນຕົກສຽງໃຕ້ຂອງຈີນ,ທ່ານເຈຟຣີ ກຼີນ ປະທານມູນນິທິມໍລະດົກການບິນຈີນອາເມລິກາກ່າວວ່າ,ເພື່ອສະໜັບສະໜູນການກໍ່ສ້າງສວນສາທາລະນະມິດຕະພາບສົງຄາມໂລກຄັ້ງທີສອງອາເມລິກາຈີນ,ມູນນິທິມໍລະດົກປະຫວັດການບິນຈີນອາເມລິກາຈະບໍລິຈາກວັດຖຸສິ່ງຂອງແລະເອກະສານໃນສົງຄາມໂລກຄັ້ງທີສອງຫຼາຍຮ້ອຍເຄື່ອງໃຫ້ສວນສາທາລະນະດັ່ງກ່າວ.
ທ່ານເຈຟຣີ ກີຼນ ແມ່ນໃຫ້ທັດສະນະດັ່ງກ່າວໃນເວລາສຳຫຼວດໂຄງການກໍ່ສ້າງສວນສາທາລະນະມິດຕະພາບສົງຄາມໂລກຄັ້ງທີສອງອາເມລິກາຈີນ,ທ່ານກ່າວວ່າ,ເມື່ອສວນສາທາລະນະດັ່ງກ່າວສ້າງສຳເລັດແລ້ວ,ທ່ານຈະມອບເຄື່ອງບໍລິຈາກເຫຼົ່ານີ້ໃຫ້ນະຄອນຄຸນມິງດ້ວຍຕົນເອງ.
ປັດຈຸບັນ,ນະຄອນຄຸນມິງໄດ້ຄັດເລືອກສະຖານທີ່ກໍ່ສ້າງສວນສາທາລະນະໃຫ້ຄັກແນ່ແລ້ວ,ແລະຈະວາງສີລາລືກໃນໄວໆນີ້,ໂຄງການກໍ່ສ້າງຍັງລວມທັງຫໍລະລຶກສວນສາທາລະນະມິດຕະພາບສົງຄາມໂລກຄັ້ງທີສອງອາເມລິກາຈີນແລະອື່ນໆ.
|
|
