|
|
 |
| (GMT+08:00)
2007-08-21 12:09:19
|
 |
|
ຈີນຈະອະນຸຍາດໃຫ້ພົນລະເມືອງລົງທຶນຢູ່ຕະຫຼາດຫຼັກຊັບຕ່າງປະເທດແລະເຂດແຄ້ວນໂດຍກົງໄດ້
cri
Author: shuo
ຕາມຂ່າວCRI:ວັນທີ20ສິງຫານີ້,ກົມຄຸ້ມຄອງເງິນຕາຕ່າງປະເທດແຫ່ງຊາດຈີນປະກາດວ່າ,ຈີນຈະອະນຸຍາດໃຫ້ພົນລະເມືອງຂອງຕົນສາມາດຖືເງິນຕາຕ່າງປະເທດຫຼືໃຊ້ເງິນຢວນຈີນແລກປ່ຽນເງິນຕາຕ່າງປະເທດແລ້ວໄປລົງທຶນຢູ່ຕະຫຼາດຫຼັກຊັບຕ່າງປະເທດແລະເຂດແຄ້ວນໂດຍກົງ,ໃນໄລຍະຕົ້ນຈະເລືອກລົງທຶນຢູ່ຮົງກົງກ່ອນໝູ່.
ກ່ອນໜ້ານີ້,ພົນລະເມືອງພາຍໃນແຜ່ນດິນໃຫຍ່ຈີນມີແຕ່ສາມາດລົງທຶນຢູ່ຕະຫຼາດຫຼັກຊັບຕ່າງປະເທດແລະເຂດແຄ້ວນໂດຍຜ່ານອົງການລົງທຶນ.
ການລົງທຶນຢູ່ຕະຫຼາດຫຼັກຊັບຕ່າງປະເທດແລະເຂດແຄ້ວນໂດຍກົງຂອງບຸກຄົນພາຍໃນແຜ່ນດິນໃຫຍ່ຈະທົດລອງຢູ່ເຂດໃໝ່ປິ່ນໄຫຂອງນະຄອນທຽນສິນ.ໃນໄລຍະຕົ້ນ,ຜູ້ລົງທຶນສາມາດລົງທຶນຊື້ຂາຍຫຼັກຊັບທີ່ຈຳໜ່າຍແລະຄ້າຂາຍຢ່າງເປີດເຜີຍຢູ່ຕະຫຼາດຫຼັກຊັບຮົງກົງ.ຕົ້ນທຶນທີ່ໃຊ້ເງິນຢວນຈີນແລກປ່ຽນເອົາມາແລະຜົນກຳໄລຂອງການລົງທຶນສາມາດຮັກສາໄວ້ເປັນເງິນຕາຕ່າງປະເທດ,ແລະຍັງສາມາດແລກປ່ຽນເປັນເງິນຢວນຈີນຢູ່ທະນາຄານທີ່ເປີດກົ້ງບັນຊີ.
|
|
|
