|
ຫົວໜ້າກອງສູ້ລົບຂອງທະຫານເຮືອອາເມລິກາກ່າວຢ້ຳວ່າ,ອາເມລິກາບໍ່ສະໜັບສະໜູນຫຼັກໝັ້ນທີ່ໃຫ້ໄຕ້ຫວັນເປັນເອກະລາດ
cri
Author: shuo
ຕາມຂ່າວສານຊິນຮວາ:ວັນທີ21ສິງຫານີ້,ໃນກອງປະຊຸມຖະແຫຼງຂ່າວທີ່ຈັດຂຶ້ນຢູ່ປັກກິ່ງ,ທ່ານແມັກໂຄ ມະເລິນ ຫົວໜ້າກອງສູ້ລົບທະຫານເຮືອອາເມລິກາກ່າວຢ້ຳວ່າ,ອາເມລິກາບໍ່ສະໜັບສະໜູນໃຫ້ໄຕ້ຫວັນເປັນເອກະລາດ,ກໍບໍ່ະໜັບສະໜູນການເຄື່ອນໄຫວແຕ່ຝ່າຍດຽວໃດໆຂອງອິດທິກຳລັງທີ່ກ່ຽວຂ້ອງທີ່ເຈຕະນາຊຸກຍູ້ໃຫ້ໄຕ້ຫວັນເປັນເອກະລາດ.
ທ່ານມະເລິນກ່າວວ່າ,ການພົວພັນລະຫວ່າງສອງປະເທດແລະສອງກອງທັບຈີນອາເມລິກາແມ່ນໜຶ່ງໃນບັນດາການພົວພັນສອງຝ່າຍທີ່ສຳຄັນທີ່ສຸດໃນໂລກ,ການສົນທະນາແລະແລກປ່ຽນລະຫວ່າງສອງຝ່າຍແມ່ນສຳຄັນທີ່ສຸດ.
ທ່ານມະເລິນແມ່ນເດີນທາງມາຮອດປັກກິ່ງເລີ່ມຢ້ຽມຢາມສັນຖະວະໄມຕີຕໍ່ຈີນໃນວັນທີ17ສິງຫານີ້ໂດຍຕາມການເຊີນຂອງທ່ານອູເຊີ້ງລີ້ ຜູ້ບັນຊາການທະຫານເຮືອຂອງຈີນ.ທ່ານກົວະປໍຊົງ ຮອງປະທານຄະນະກຳມະການການທະຫານສູນກາງຈີນແລະທ່ານຊາວກ່າງຊ່ວນ ລັດຖະມົນຕີວ່າການກະຊວງປ້ອງກັນປະເທດຈີນຕ່າງໄດ້ພົບປະກັບທ່ານຢູ່ປັກກິ່ງໃນວັນທີ21ສິງຫານີ້.
ຂ່າວແຈ້ງວ່າ,ທ່ານບຸສ ປະທານາທິບໍດີອາເມລິກາໄດ້ສະເໜີໃຫ້ທ່ານມະເລິນເປັນປະທານກອງປະຊຸມປະສົມເສນາທິການໃຫຍ່ຂອງກອງທະຫານອາເມລິກາຊຸດໜ້າ.ທ່ານມະເລິນກ່າວວ່າ,ບໍ່ວ່າຈະເປັນຫົວໜ້າກອງສູ້ລົບຂອງທະຫານເຮືອຫຼືວ່າຈະເປັນປະທານກອງປະຊຸມປະສົມເສນາທິການໃຫຍ່ຂອງກອງທະຫານອາເມລິກາໃນອະນາຄົດ,ທ່ານລ້ວນແຕ່ຈະສືບຕໍ່ສະໜັບສະໜູນແລະສົ່ງເສີມໃຫ້ສອງປະເທດແລະສອງກອງທັບຈີນອາເມລິກາລົງເລິກການຮ່ວມມືແລະແລກປ່ຽນ,ເພີ່ມຄວາມເຂົ້າໃຈກັນແລະຄວາມໄວ້ເນື້ອເຊື່ອໃຈເຊິ່ງກັນແລະກັນ.
|
|
