|
ຈີນຈະຊ່ວຍເຫລືອຊາວກະສິກອນຜູ່ທຸກຍາກ 2 ແສນກວ່າຄົນທີ່ຢູ່ພາກ ຕາເວັນຕົກຍ້າຍອອກຈາກເຂດແຫ້ງແລ້ງສຸດຂີດ
cri
ຕາມຂ່າວສານຊີນຮວາ:ຈີນຈະຊ່ວຍເຫລືອຊາວກະສິກອນຜູ່ທຸກຍາກ 2 ແສນກວ່າຄົນທີ່ຢູ່ພາກຕາເວັນຕົກຍ້າຍອອກຈາກເຂດແຫ້ງແລ້ງສຸດຂີດ, ຍ້າຍໄປຢູ່ເຂດແຄມທາງຫລວງແລະເຂດຊານເມືອງໃນປັດຈຸບັນ, ເພື່ອພັດທະນາກະສິກຳທີ່ມີຈຸດພິເສດ,ກະສິກຳປະຢັດນ້ຳແລະໄດ້ຮັບຜົນຫລາຍ,ເພື່ອແກ້ໄຂບັນຫາທຸກຍາກຂອງເຂົາເຈົ້າຈາກດ້ານກົກຮາກ.
ຊາວກະສິກອນຜູ່ທຸກຍາກເຫລົ່ານີ້ແມ່ນດຳລົງຊີວິດຢູ່ແຖບແຫ້ງແລ້ງທາງພາກກາງແຂວງນິງເຊ້ຍ ທີ່ຢູ່ພາກຕາເວັນຕົກຂອງຈີນ,ປະລິມານນ້ຳຝົນໃນແຕ່ລະປີມີພຽງແຕ່ 300 ມີລິແມັດຫລືຫນ້ອຍກວ່ານີ້ອີກ,ປະລິມານນ້ຳຈະລະເຫີຍໄປແມ່ນ 10 ເທົ່າຂອງນ້ຳຝົນຕົກ,ສະນັ້ນ, ຊີວິດການເປັນຢູ່ຂອງຊາວກະສິກອນຢູ່ແຫ່ງນັ້ນຕ້ອງອາໄສການສົງເຄາະແລະອຸດຫນູນຂອງລັດຖະບານ.
ເລີ່ມແຕ່ປີ 1983 ເປັນນຕົ້ນມາ, ອຳນາດການປົກຄອງເຂດນິງເຊ້ຍເຜົ່າຫຸຍປົກຄອງຕົນເອງໄດ້ເລີ່ມຍົກຍ້າຍຊາວກະສິກອນຜູ່ທຸກຍາກທີ່ດຳລົງຊີວິດຢູ່ເຂດນີ້ໃຫ້ໄປຢູ່ບ່ອນອື່ນ.
|
|
