|
|
 |
| (GMT+08:00)
2007-08-23 12:23:51
|
 |
|
ທູດພິເສດສະຫະປະຊາຊາດເຕືອນໃຫ້ອິດສະລະແອນໃຊ້ມາດຕະການອັນຕັ້ງໜ້າເພື່ອສັນຕິພາບໃນເຂດຕາເວັນອອກກາງ
cri
Author: shuo
ຕາມຂ່າວCRI:ວັນທີ22ສິງຫານີ້,ພາຍຫຼັງພົບປະກັບທ່ານໄຊມອນ ເປເລັສ ປະທານາທິບໍດີອິດສະລະແອນ,ທ່ານແມັກໂຄ ວິລຽມສ໌ ທູດພິເສດບັນຫາຕາເວັນອອກກາງຂອງສະຫະປະຊາຊາດທີ່ພວມຢ້ຽມຢາມອິດສະລະແອນກ່າວວ່າ,ບາດກ້າວຕ່າງໆທີ່ອິດສະລະແອນປະຕິບັດ ຄື ປ່ອຍຕົວນັກໂທດຂອງຝ່າຍປາເລັດສະຕິນແລະມອບພາສີທີ່ເກັບແທນໃຫ້ຝ່າຍປາເລັດສະຕິນນັ້ນແມ່ນການກະທຳທີ່ດີ,ແຕ່ຍັງຄວນໃຊ້ການເຄື່ອນໄຫວຕື່ມອີກ,ເພື່ອສະໜອງທ່າແຮງໃໝ່ໃຫ້ຂະບວນການສັນຕິພາບອິດສະລະແອນປາເລັດສະຕິນ.
ໃນມື້ດຽວກັນ,ຫ້ອງການທ່ານມາຣ໌ມຸດ ອັບບາສ໌ ປະທານອົງການອຳນາດແຫ່ງຊາດປາເລັດສະຕິນອອກຖະແຫຼງການວ່າ,ຖ້າວ່າອິດສະລະແອນສືບຕໍ່ດຳເນີນການບຸກໂຈມຕີທາງການທະຫານຕໍ່ດິນແດນປາເລັດສະຕິນ,ການເຈລະຈາສັນຕິພາບແລະຂະບວນການສັນຕິພາບລະຫວ່າງປາເລັດສະຕິນກັບອິດສະລະແອນກໍບໍ່ສາມາດໄດ້ຮັບຄວາມຄືບໜ້າແລະມີໝາກຜົນ.ຖະແຫຼງການຮຽກຮ້ອງໃຫ້ປະຊາຄົມໂລກແລະສີ່ຝ່າຍທີ່ກ່ຽວຂ້ອງກັບບັນຫາຕາເວັນອອກກາງ ຄື ສະຫະປະຊາຊາດ ສະຫະພາບເອີລົບ ອາເມລິກາແລະຣັດເຊຍຈົ່ງໃຊ້ມາດຕະການ,ສະກັດກັ້ນການເຄື່ອນໄຫວທາງການທະຫານຂອງອິດສະລະແອນຢູ່ດິນແດນປາເລັດສະຕິນ.
|
|
|
