|
ສິ່ງກໍ່ສ້າງໃໝ່ຂອງໂລກມີເຄິ່ງໜຶ່ງກຳລັງກໍ່ສ້າງຢູ່ຈີນ
cri
Author: shuo
ຕາມຂ່າວສານຊິນຮວາ:ວັນທີ23ສິງຫານີ້,ໃນງານສຳມະນາເຕັກນິກປະຢັດພະລັງງານສິ່ງກໍ່ສ້າງທັນສະໄໝເຢຍລະມັນຈີນທີ່ຈັດຂຶ້ນຢູ່ຊຽງໄຮ້,ຜູ້ຮັບຜິດຊອບທີ່ກ່ຽວຂ້ອງຂອງກະຊວງກໍ່ສ້າງຈີນກ່າວວ່າ,ປະຈຸບັນນີ້,ສິ່ງກໍ່ສ້າງທີ່ກຳລັງກໍ່ສ້າງນັ້ນມີເຄິ່ງໜຶ່ງຢູ່ຈີນ.
ສະຖິຕິຂອງກະຊວງກໍ່ສ້າງຈີນສະແດງໃຫ້ເຫັນວ່າ,ໃນເກືອບ10ປີມານີ້,ການກໍ່ສ້າງເຮືອນຢູ່ຂອງຈີນໄດ້ຮັກສາການເຕີບໂຕດ້ວຍຄວາມໄວສູງ,ແຕ່ລະປີ,ຍອດຈຳນວນເຮືອນຢູ່ທີ່ກໍ່ສ້າງມີເຖິງ2ຕື້ຫາ4ຕື້ແມັດຕາ,ເນື້ອທີ່ເຮືອນຢູ່ທີ່ສ້າງສຳເລັດມີເຖິງ1ຕື້600ລ້ານຫາ2ຕື້200ລ້ານແມັດຕາ,ອັດຕາເພີ່ມຂຶ້ນແມ່ນ8%ຫາ10%ຕໍ່ປີ.ນັບມາຮອດທ້າຍປີ2005,ຈຳນວນເຮືອນຢູ່ທີ່ມີຢູ່ແລ້ວໃນທົ່ວປະເທດຈີນມີປະມານ43ຕື້ແມັດຕາ.
ຜູ້ຮັບຜິດຊອບທີ່ກ່ຽວຂ້ອງຂອງກະຊວງກໍ່ສ້າງຈີນກ່າວວ່າ,ຄາດວ່າຮອດປີ2015,ສິ່ງກໍ່ສ້າງໃໝ່ໃນທົ່ວໂລກຈະມີເຄິ່ງໜຶ່ງຢູ່ຈີນ;ຮອດທ້າຍປີ2020,ເນື້ອທີ່ເຮືອນຢູ່ໃນທົ່ວປະເທດຈີນຈະມີເຖິງ68ຕື້600ລ້ານແມັດຕາ.
|
|
